Ձեր վստահելի աղբյուրը

«Օֆշորային Բենինի ափերին ծովահեններն առևանգել են բեռնափոխադրող Tommy Ritscher նավը: Պատանդների թվում են երեք ռուս նավաստի»,- «Ինտերֆաքսի» փոխանցմամբ, այդ մասին հայտնել են Բենինում Ռուսաստանի դեսպանատնից:

Բենինյան նավատորմի հրամանատարությունում  ավելի վաղ հայտնել էին, որ ապրիլի 19-ին առևանգվել է Կոտոնուի նավահանգստում խարսխված նավը: Նավի առևանգման պահին անձնակազմի մի քանի անդամներ են եղել այնտեղ: Նավը շրջափակված է ռազմական նավերով:
Marine Insight- ի պարբերականի համաձայն՝ 11 նավաստիներ փակվել են տարածքում, ևս ութը գերեվարվել են: Նավի թիմում ընդգրկված են ռուսներ, Ուկրաինայի, Բուլղարիայի և Ֆիլիպինների քաղաքացիներ: Ինչպես ավելի վաղ «Ինտերֆաքս» -ին հայտնել է իրազեկ աղբյուրը, առևանգված նավի վրա կան ռուսախոս անձնակազմի անդամներ, բայց նրանց քաղաքացիությունը դեռ հաստատված չէ:

Tommi Ritscher Նավը պատկանում է Woollerton Shipping ընկերությանը, իսկ շահագործվում է Գերմանիայի Reederei Gerd Ritscher ընկերության կողմից: Անվտանգության ծովային Dryad Global պորտալից հայտնել են, որ այն նավարկում  է Պորտուգալիայի դրոշը: