Ձեր վստահելի աղբյուրը

«Ապրիլի 23-ի երեկոյան ժամը  21:00-ին ամբողջ Հայաստանում եկեղեցական զանգերի ղողանձների ներքո  կմեկնարկեն Հայոց Ցեղասպանության զոհերի ոգեկոչման միջոցառումները»,- կառավարության մամուլի կենտրոնում հայտնեց վարչապետի աշխատակազմի ղեկավար Էդուարդ Աղաջանյանը՝ ներկայացնելով կորոնավիրուսի տարածումով պայմանավորված արտակարգ դրության պայմաններում Հայոց ցեղասպանության 105-րդ տարելիցի արարողակարգը: Ըստ բանախոսի այդ պահից բոլոր լույսերը կանջատվեն  և մեկ միասնական լույս կվառվի Ծիծեռնակաբերդում:

Աղաջանյանը կոչ արեց, որ քաղաքացիները նունպես անջատեն տան լույսերը և հեռախոսի, կամ մոմի լույսրը վառել պատուհաններից՝ դեպի Ծիծեռնակաբերդ:

«Լուսավառ ոգեկոչման րոպեն կունենա իր խորհրդանշական արձագանքը Ծիծեկառնաբերդից՝  Լիանա Ալեքսանյանի և Կամո Սեյրանյանի «Արի իմ սոխակ» երգի կատարման ներքո»,- հայտնեց Աղաջանյանը և ընթերցեց միջոցառումների ցանկը:

«Ապրիլի 24-ի առավոտյան 08:00-ից սկսած քաղքացիները կարող են հաղորդագրություններ ուղարկել 19 15 կարճ համարին՝ Հայաստանից և 007 433191500 հեռախոսահամարին՝ արտասահմանից՝ իրենց անվամբ հաստատելու հեռակա մասնակցությունը օրվա խորհրդին:
Հաղորդագորություններ ուղարկած քաղաքացիների անունները կարտացոլվեն հուշահամալիրի սյուներին:

Ապրիլի 24-ին 10:00-ից մեկնարկում են ՀՀ վարչապետի, Նախագահի, ԱԺ նախագահի և Կաթողիկոսի այցերը Ծիծեռնակաբերդ: Խոնարհումի արարողությունն ուղեկցվելու է հանրահայտ դաշնակահար Հայկ Մելիքյանի կենդանի կատարմամբ:

Հարգանքի տուքը գեղարվեստական ծրագրով կմեկնարկի նույն օրը, 22:00-ին՝ պետական կոլեկտիվների և անհատ կատարողների մասնակցությանբ:

Ծրագիրը ընդգրկելու է տարբեր ժանրերի՝ դասական և ժողովրդական ստեղծագործություններ և տևելու է մինչև լուսաբաց»:

Վարչապետի աշխատակազմի ղեկավարը հայտնեց, որ որոշում է կայացվել, որ ապրիլի 24-ին հուշահամալիրի մուտքը փակ է լինելու, որը կհաստատվի պարետատան փաստաթղթով և հավելեց, որ մոտքի սահմանափակումները գործելու են արդեն այսօրվանից: