Ձեր վստահելի աղբյուրը

«Ավելի քան մեկ ամիս առաջ միջնորդություն եմ ներկայացրել այն Ընկերության աշխատակցին հարցաքննելու վերաբերյալ, ով Միքայել Մինասյանի հետ կնքված ծառայությունների մատուցման պայմանագրի հիման վրա պատասխանատու է եղել նշված հայտարարագիրը կազմելու և լրացնելու համար»,- ֆեյսբուքյան իր էջում  գրել է փաստաբան Ամրամ Մակինյանը՝ անդրադառնալով Սուրբ Աթոռում նախկին դեսպան Միքայել Մինասյանի նկատմամբ հարուցված քրեական գործին։

Նրա խոսքով, միջնորդությունը մինչ այժմ թողնվել է առանց քննության։ Փաստաբանն ընդգծում է, որ ակնհայտ միակողմանի քննությունը և իրականացվող «քրեական հետապնդումը» այդքան զավեշտալի չէր լինի, եթե կալանքը կիրառելու միջնորդության մեջ որպես կիրառման հիմք չվկայակոչվեր նշված Ընկերության աշխատակցի վրա «ապօրինի ներգործելու հնարավորության կանխումը»։

«Համոզված եմ Հ1-ի կողմից մոտակա օրերին հեռարձակվող «գեղարվեստական կինոնկարում» նշված հանգամանքը շատ պատահակորեն կանտեսվի»,-հետգրությամբ նշում է Մակինյանը։

Երեկվանից մամուլում և սոցիալական ցանցերում տեղեկություն է շրջանառվում, թե քրեական գործ է հարուցվել Սուրբ Աթոռում ՀՀ նախկին դեսպան Միքայել Մինասյանի նկատմամբ և նրան կալանավորելու միջնորդություն է ներկայացվել դատարան։ 168.am-ի հետ զրույցում Մինասյան շահերի պաշտպան Միհրան Պողոսյանը հաստատել է տեղեկությունը՝ վստահեցնելով, որ առաջադրված մեղադրանքը չունի որևէ իրավական հիմնավորում և գործընթացը անհետևանք չի մնալու՝ ո’չ պատվիրատուների, ո’չ էլ կատարողների համար։

«Այո, դատարան է ներկայացվել միջնորդություն դեսպան Մինասյանին կալանավորելու վերաբերյալ։ Գործ ունենք դասական պատվերի հետ, որի շրջանակներում օրենքով նախատեսված քրեական հետապնդման փոխարեն իրականացվում է բացահայտ քաղաքական հետապնդում։ Սա փնթի կարված գործ է, որը, վստահեցնում եմ, անհետևանք չի մնալու՝ ո’չ պատվիրատուների, ո’չ էլ կատարողների համար։ Հավատացնում եմ, որ ներկայացված մեղադրանքը չունի որևէ իրավական հիմնավորում։ Այստեղ ընդհանրապես իրավաբանություն չկա»,- 168.am -ի հետ զրույցում ասել է փաստաբանը։

Նա հիշեցրել է , որ վարչապետ Նիկոլ Փաշինյանը անցած երկու տարիների ընթացքում իր գրեթե բոլոր ասուլիսներում ու ելույթներում հիմնազուրկ մեղադրանքներ է վերագրել Միքայել Մինասյանին.

«Երկու տարի անընդմեջ դեսպան Մինասյանի վերաբերյալ վարչապետի բոցաշունչ հայտարարություններից հետո առաջադրված քաղաքական մեղադրանքի ապօրինության և պարզունակության աստիճանը հավաստում է իրավական դաշտում ներկայիս ռեժիմի սնանկությունը։

Այսինքն, կա հրահանգ` ամեն գնով քրեական հետապնդում հարուցել դեսպան Մինասյանի նկատմամբ, բայց հրահանգը կատարողները, չկարողանալով իրավական դաշտում հասնել հաջողության՝ ստիպված են եղել դիմել գործ կարելու և ամեն գնով կալանքի հասնելու տխրահռչակ մեթոդաբանությանը: Իրավաբանության հետ կապ չունեցող շուրջ երկու տարի տևած այս գործողությունները խոսում են նրա մասին, որ նույնիսկ հրահանգ կատարողներն են խճճվել իրենց գործողություններում` չկարողանալով գոնե թե մեկ ապօրինության փաստ առաջ բերել և դրա շուրջ քրեական գործ կառուցել»:

Շարունակությունը՝ սկզբնաղբյուր կայքում։