Ձեր վստահելի աղբյուրը

Լիբանանի նախկին վարչապետ և «Ալ-Մուստաքբալ» սուննիական շարժման ղեկավար Սաադ Հարիրին ուրբաթ օրը մեղադրել է Հասան Դիաբի կառավարությանը հեղաշրջում պլանավորելու մեջ:
«Իշխող կաբինետը փորձում է գոհացնել այն քաղաքական ուժերին, որը ցանկանում է ոչնչացնել Լիբանանի լիբերալ տնտեսական համակարգը »,- Ըստ ՏԱՍՍ-ի, այդ մասին ասել է քաղաքական գործիչը, որի խոսքերը հիշատակել է LBC-ն:

Անցյալ շաբաթ Հարիրին վերադարձել է Բեյրութ: Ընդդիմության առաջնորդի վերադարձով են պայմանավորում մայրաքաղաքում և այլ քաղաքներում հակակառավարական ցույցերի վերսկսումը: Նախկին վարչապետը, որը ստիպված էր հրաժարական տալ անցյալ տարվա հոկտեմբերի 29-ին՝ Լիբանանը ընդգրկած զանգվածային բողոքի ալիքի պատճառով, այժմ մեղադրանք է առաջադրում իր իրավահաջորդին: Նա պնդում էր, որ Դիաբը և իր թիմը ժամանակին չեն մշակել հակաճգնաժամային ծրագրեր, հետևաբար մեղավոր են ֆինանսական դեֆոլտի համար:
Հարիրիի հայտարարությունը հետևել է այն բանից հետո, երբ ազգային արժույթի  փոխարժեքը ուրբաթ օրը կրկնակի նվազեց, ինչը ցնցեց բնակչությանը և կաթվածահար արեց ֆինանսական շուկան: Ուրբաթ օրը փոխանակման կետերում մեկ դոլարի արժեքը հասավ 3 625 լիբանանյան ֆունտի:

Կառավարության ղեկավար Հասան Դիաբը ուրբաթ օրը պարզաբանման կոչ է հղել Լիբանանի Կենտրոնական բանկի կառավարիչ Ռիադ Սալյամին և խնդրել, որ ժողովրդին բացատրի ազգային արժույթի աննախադեպ փլուզման պատճառը: Նա նաև հայտարարել է օրինագծի մշակման մասին, որը հնարավորություն կտա վերադարձնել տարվա սկզբից երկրից արտահանված ավելի քան 5 միլիարդ դոլարը:

Ներքին քաղաքական ճգնաժամի սրումը Լիբանանում տեղի է ունենում իշխանությունների կողմից ձեռնարկված շտապ սանիտարահիգիենիկ և համաճարակաբանական միջոցառումների ֆոնին: Ուրբաթ, Նախարարների կաբինետը երկարաձգեց մարտի 15-ից հայտարարված ինքնամեկուսացման ռեժիմը մինչև մայիսի 10-ը: Ինչպես բացատրել է վարչապետը, դա արվել է կորոնավիրուսային վարակի երկրորդ ալիքի սպառնալիքը կանխելու համար: