Ձեր վստահելի աղբյուրը

Բրիտանական առողջապահական համակարգի ղեկավարությունը տեղեկացել է, որ հիվանդանոցների վերակենդանացման բաժանմունքներ են սկսել տեղափոխվել երեխաներ՝  սուր բորբոքային ախտանիշներով: Այս մասին գրում է Euronews-ը։

Ինչպես ենթադրում են մասնագետները, այն կարող է կապված լինել կորոնավիրուսային վարակի հետ, բայց դա կարող է նաև լինել մեկ այլ վարակ:

Ստացիոնար մանկաբույժներն ասում են, որ բոլոր երեխաների վիճակը ծանր է, և հիվանդության դրսևորումն արտահայտվում է բարձր ջերմությամբ, ցածր ճնշմամբ և շնչառության բարդությամբ:

Հետազոտություններից հետո COVID-19-ը հաստատվել է միայն մի քանի երեխաների մոտ:
Մանկաբուժության և երեխաների առողջության թագավորական քոլեջի նախագահ Ռասսել Ուայնը կարծում է, որ կարևոր է խուճապի չմատնվել։

«Նախ, կարևոր է նշել, որ երեխաները հազվադեպ են վարակվում COVID-19-ով և նրանց մոտ հազվադեպ է այս հիվանդությունն ընթանում ծանր ձևով։ Երկրորդ, այո, կան եզակի դեպքեր, երբ երեխաները շատ ծանր հիվանդանում են»,-ասել է Ուայնը:

Բրիտանական առողջապահության ազգային համակարգը կամ NHS-ը հայտնում են, որ այժմ հայտնի է մոտ 20 դեպք, որոնց մեծամասնությունը 5 տարեկանից փոքր են։