Քլինթոնն աջակցել է Բայդենին վերջինիս դեմ սեռական ոտնձգության մեղադրանքներից հետո

Հասարակություն 09:15 30/04/2020 Աշխարհում

Քլինթոնն աջակցել է Բայդենին վերջինիս դեմ սեռական ոտնձգության մեղադրանքներից հետո

Նախագահի դեմոկրատ թեկնածու Ջո Բայդենը COVID-19- ի և կանանց վրա դրա ազդեցության վերաբերյալ առցանցային հանդիպմանը դիմել է ամերիկացի կին ընտրողներին:

«Ամերիկայի ձայն»-ը գրում է, որ օրերս Բայդենը ստացել է 2016 թ-ի նախագահական ընտրություններում Դեմոկրատական կուսակցության թեկնածու Հիլարի Քլինթոնի աջակցությունը: Բայդենը հանդես եկավ մի շարք քաղաքական առաջարկներով՝ ներառյալ ոչ միայն կորոնավիրուսի անվճար թեստավորման, այլև անվճար բուժման:

Բայդենը նաև խոսել է կանանց վրա համաճարակի ազդեցության մասին:

«Միլիոնավոր կանայք կորցրել են իրենց աշխատանքը կամ նրանց ժամերը կրճատվել են: Նրանք առերեսվում են լուրջ մարտահրավերների», - ասել է նա:

Նա մատնանշել է կորոնավիրուսի դեմ առաջնագծում պայքարող կին բժիշկներին, բուժքույրերին, երեխաների խնամքի աշխատողներին և մթերային սպասարկման ոլորտի սպասավորներին և ընդգծել աշխատողների համար նվազագույն աշխատավարձի 15 դոլարի չափաբաժնի հաստատումը:

Նախկին փոխնախագահը խստորեն քննադատել է Թրամփի վարչակազմին ՝ Obamacare-ը չեղյալ հայտարարելու, ինչպես նաև կարիքավոր ընտանիքների սննդի օգնությունը կրճատելու համար:

Քլինթոնի աջակցությանը Բայդենին նախորդել էր Սենատի նախկին աշխատակցուհու մեղադրանքը ուղղված Բայդենին սեռական ոտնձգության մեջ 1990-ականներին, երբ նախկին փոխնախագահը Դելավեր նահանգից ընտրված սենատոր էր: Բայդենը հերքել է այդ մեղադրանքները:

Նա ընտանեկան բռնության զոհ դարձած կանանց հորդորել է օգնություն ստանալ ՝ դիմելով ընտանեկան բռնության վերաբերյալ ազգային թեժ գիծ:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: