Ձեր վստահելի աղբյուրը

«Հայրենիք» զարգացման հիմնադրամի գրասենյակի ղեկավար, իրավաբան Արսեն Բաբայանն այսօր կեսօրին գլխավոր դատախազության շենքի դռները փակ գտավ։ Նա արտակարգ դրության պայմաններում այդ փաստը շատ տարօրինակ որակեց, ասաց՝  կանխատեսելի էր իր համար։

«Ոչ աշխատանքային օր է, բայց դատախազությւոնը հսկվող տարածք է, շենքի ներսում, դրսում միշտ կան ոստիկանության աշխատակիցներ, և երբեք դատախազության դուռը փակ չի եղել»,-հայտարարեց նա՝ ավելացնելով, որ մինչ այստեղ գալը դիմումը էլեկտրոնային փոստով ուղարկել է դատախաություն։

Հիշեցնենք, որ Արսեն Բաբայանը այսօր դատախազության գալու մասին հրապարկային կերպով հայտարարել էր  երեկ իր ֆեյսբուքյան էջում։ Դիմումի պահանջն է ստուգել ԱԺ պատգամավոր Հրաչյա Հակոբյանի հայտարարության հանգամամքները, որոնք պարունակում են հանցագործության առերևույթ արարքների մասին դատողություններ, ինչպես նաև դրանց տալ քրեաիրավական գնահատական։

Բաբայանը վստահ է, որ Հակոբյանի տեքստը գրվել է վարչապետ Նիկոլ Փաշինյանի կողմից, ինչպես նաև ԱԱԾ նախկին տնօրեն Արթուր Վանեցյանի վերաբերյալ մնացած տեքստերը։

«Բայց դա չէ կարևորը, Հրաչյա Հակոբյանն անում է անհեթեթ հայտարորւթյուն, ինչ-որ հնարքների կիրառմամբ դրանք ձևակերպում է  այնպես, որ հնարավոր չլինի նրան պատասխանատվության ենթարկել զրպարտության համար։ Նրանք հաշվարկել են, որ հասարակությւոնը կմտածի, եթե Փաշինյանի ընտանիքի անդամն է խոսում այդպիսի բաների մասին, ուրմեն տեղեկացված է։ Բայց կրկնում եմ, այդ հայտարարությունն անհեթեություն է, դեղին մամուլին հարիր»,-ասաց Բաբայանը։

Գրասենյակի ղեկավարն ընդգծեց այս պարագայում մենք գործ ունենք ԱԱԾ նախկին տնօրենի, սպայի պատվի ու արժանապատվության հետ, և այս պարագայում առնվազն երեք ուղղություններով պետք  է լինի գնահատական։

«Քաղաքական, իրավական, բարոյական գնահատական պետք է լինի, քանի որ սպայի  արժանապատվությունը, նվիրվածությունն իր հայրենիքին, պետությանը փորձել որևէ կերպ կասկածի տակ դնել զուրկ է բարոյական որևէ կանոնից։ Դատախազությունից այսօր ակնկալում եմ իրավական գնահատական»,-ասաց նա։

Բաբայանը մանրամասնեց, Նիկոլ Փաշինյանի աներորդու՝ Հրաչ Հակոբյանի հայտարարության մեջ առկա են առերևույթ հատկանիշներ հանցագործության փաստը կոծկելու, սուտ մատնության ու հանցագործություն կատարելու վերաբերյալ, որոնք բոլորն էլ պետք  է է ստուգվեն ու տրվեն իրավական գնահատականներ ու պատասխանատվության ենթարկել։

Նրա խոսքով, քաղաքական գնահատկանը պետք է տրվի թե իշխանության, թե քաղաքական մյուս ուժերի կողմից, բարոյական գնահատականը, որն արդեն կա, տրվում է հասարակության ու քաղաքացիների կողմից։