Ձեր վստահելի աղբյուրը

 Նավթի գները կրկին կբարձրանան: Այս մասին գրում է ria.ru-ն:

Մոսկվայի ժամանակով ժամը 16:05-ի դրությամբ WTI տեսակի նավթի հունիսյան ֆյուչերսներն աճել են 6,37%-ով՝ հասնելով մեկ բարելի դիմաց 20,04 դոլարի: Առավոտյան ցուցանիշը հասնում էր 20,45 դոլարի՝ մեկ բարելի դիմաց:

Հյուսիսային ծովի Brent տեսակի գինն աճում է 1,4%-ով՝ մեկ բարելի դիմաց հասնելով 26,85 դոլարի:

Մայիսի 1-ին ուժի մեջ է մտել ОПЕК+  նոր համաձայնագիրը, որով  արդյունահանող երկրները համաձայության են եկել ապրիլի 12-ին: Այսպիսով, մայիս-հունիս ամիսներին արտադրությունը պետք է նվազի օրական 9,7 միլիոն բարելով, տարվա երկրորդ կիսամյակում `7,7 միլիոն, իսկ 2022 թվականի ապրիլի վերջին` 5,8 միլիոն:

Միևնույն ժամանակ, փորձագետները նշում են, որ արտադրության անկման ծավալը կարող է բավարար լինել՝ հաշվի առնելով համաճարակի պատճառով պահանջարկի նվազման գործոնը, անկումը գնահատվում է օրական մոտ 30 միլիոն բարել:

Վերլուծաբանները ուշադրություն են հրավիրել ԶԼՄ-ներում տարածված այն  լուրերին, որ Իրաքը սկսել է կրճատել արտադրությունը Բասրայի շրջանում:

«Վերջապես, սկսվեցին արտադրության կրճատումները: Գները դեռևս չափազանց ցածր են, և առաջիկա երկու շաբաթվա ընթացքում, ամենայն հավանականությամբ, ծայրահեղ անկայունություն կլինի», - OANDA բրոքերային գործակալ Քրեյգ Էռլամին ցիտում է  Reuters գործակալությունը: