Ձեր վստահելի աղբյուրը

Վերջին երեք շաբաթվա ընթացքում երկրում կորոնավիրուսային վարակի տարածման հարցում դրական դինամիկա է արձանագրվել, փոխանցում է «Գազետա.ռու»-ն՝ մեջբերելով Ադրբեջանի նախագահ Իլհամ Ալիևի խոսքը։

Ըստ նրա, երկրում ներդրված միջոցները նպաստել են վարակի զանգվածային տարածման կանխմանը:

«Մենք Ադրբեջանում  նկատում ենք դրական դինամիկա. բուժվողների թիվը գերազանցում է վարակվածների թվին», - ընդգծել է Ալիևը:

Միևնույն ժամանակ, նա հայտարարել է, որ երկրում կարանտինային ռեժիմը կերկարաձգվի մինչև մայիսի 31-ը և հավելել է, որ կարանտինից դուրս գալը փուլային բնույթ է կրելու:

Մինչ այդ կառավարությունը կտրամադրի ավելի քան 3,5 միլիարդ մանաթ կամ ավելի քան 2 միլիարդ դոլար՝ բիզնեսին և քաղաքացիներին աջակցելու համար:

«Հարկ վճարողներին հարկային արձակուրդ կտրամադրվի մինչև 2021 թվականի հունվարի 1-ը», - ասել է Ադրբեջանի նախագահը: