![](https://panorama.am/news_images/763/2287927_1/ar.thumb.jpg)
Վրաստանը Կիևից հետ է կանչել իր դեսպանին՝ Սաակաշվիլիի նշանակման պատճառով
Թբիլիսին հետ է կանչել իր դեսպանին Կիևից այն բանից հետո, երբ Վրաստանի նախկին նախագահ Միխեիլ Սաակաշվիլին նշանակվեց Ուկրաինայի բարեփոխումների գործադիր կոմիտեի ղեկավար։ Այս մասին, ինչպես գրում է Ria-ն, հայտարարել է արտգործնախարար Դավիթ Զալկալիանին:
Սաակաշվիլիի նշանակման մասին Վլադիմիր Զելենսկու հրամանագիրը հրապարակվել է նախօրեին։
«Ռազմավարական գործընկերոջ կողմից անձի նշանակումը, որը դատապարտվել և որոնվում է Վրաստանում, հիմք է հանդիսացել Ուկրաինայում Վրաստանի դեսպան Թեյմուրազ Շարաշենիձեին խորհրդակցությունների համար հետ կանչելու որոշման համար», - ասել է Զալկալիանին:
Միևնույն ժամանակ նա հավելել է, Վրաստանը չի քննարկում դիվանագիտական հարաբերությունները խզելու կամ Ուկրաինայի հետ իր ռազմավարական գործընկերության վերանայման հարցը:
Հիշեցնենք, որ Միխեիլ Սաակաշվիլին հեռացավ Վրաստանից 2013-ին՝ նախագահ Գեորգի Մարգվելաշվիլիի երդման արարողությունից անմիջապես հետո: Վրաստանում նրա դեմ հարուցվել են մի քանի քրեական գործեր, իսկ որոշ դեպքերում նա բացակայության պայմաններում դատապարտվել է բանտարկության:
Հարակից հրապարակումներ`
- Միխեիլ Սաակաշվիլին նշանակվել է Ուկրաինայի բարեփոխումների գործադիր կոմիտեի նախագահի պաշտոնում
- Փոխվարչապետի փոխարեն՝ այլ պաշտոն․ Սաակաշվիլին ասել է, թե որտեղ է աշխատելու
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան