Ձեր վստահելի աղբյուրը

«Հունաստանի զբոսաշրջության գրավչությունը գաղտնիք չէ, սակայն կորոնավիրուսի ճգնաժամի պայմաններում, մեզանից շատերի համար  ամառն այնտեղ անցկացնելու գաղափարը կարող է լինել միայն հեռավոր երազ, կամ գուցե ոչ, ասում են հույն պաշտոնյաները»,- այս մասին գրում է CNN-ը։
Հունաստանը, կարծես, հազվագյուտ կորոնավիրուսային հաջողության պատմություն է:

Իրականացնելով խիստ և վաղ արգելափակում, երկիրը հասցրել է անհավատալիորեն ցածր պահել մահվան դեպքերը, մինչ այժմ ՝ շուրջ 150:

Այս շաբաթ վարսավիրանոցների և գրախանութների նման որոշ բիզնեսներ առաջին անգամ թույլ տվեցին վերաբացել:

Եվ երկրի պրագմատիկ վարչապետ Կիրիակոս Միցոտակիսը CNN-ին ասել է, որ այս ամառվա զբոսաշրջության փորձը կարող է փոքր-ինչ տարբերվել նախորդ տարիներից։ 

«Միգուցե ոչ մի բար բաց չլինի, կամ էլ չլինի խիտ բազմություն, բայց դուք դեռ կարող եք ֆանտաստիկ փորձ ձեռք բերել Հունաստանում` պայմանով, որ գլոբալ համաճարակը գնալով կնվազի»,- ասել է Միցոտակիսը։

Զբոսաշրջությանն ընդառաջելն անխուսափելիորեն նշանակում է երկիրը բացել պոտենցիալ վիրուս ունեցող մարդկանց առջև, բայց Միցոտակիսը հույս ունի, որ ընթացիկ թեստավորման ռեժիմները կարող են բարելավվել` ռիսկը նվազեցնելու համար:

Այս պահին Աթենք ժամանելուն պես յուրաքանչյուր միջազգային ճանապարհորդ թեստավորվում  է Covid-19-ի համար:

Միցոտակիսը հուսով է, որ կլինի շատ ավելի ընդգրկուն մի բան։ Նա ցանկանում է միջազգային, կամ գոնե եվրոպական չափանիշներ, որոնք սահմանում են նույն ճանապարհորդական ստանդարտները բոլոր երկրների համար:

«Ես ենթադրում եմ, որ մարդիկ պետք է թեստավորվեն նախքան ինքնաթիռ նստելը, ոչ թե ժամանելուց հետո: Նրանք կարող են ինքնաթիռում հայտնվել միայն բացասական թեստի կամ հակամարմինների դրական քննության արդյունքում», - ասել է վարչապետը:

Եթե ամեն ինչ պլանավորվածի պես ընթանա, նա հույս ունի, որ երկիրը կկարողանա սկսել հյուրընկալել զբոսաշրջիկներին մինչև հուլիսի 1-ը:

Նշենք, որ Վրաստանը ևս նախատեսում է բացել սահմանները զբոսաշրջիկների համար հուլիսի 1-ից։