Ձեր վստահելի աղբյուրը

Ընդհանուր իրավասության դատարանում դատավոր Աննա Դանիեբկայնի նախագահությամբ ընթացող դատական նիստում ՀՀ երկորրդ նախագահ Ռոբերտ Քոչարյանի պաշտպաններից  Հայկ Ալումյանը ներկայացրեց խափանման միջոցը վերացնելու կամ փոփոխելու միջնորդությունը։
Նա տեղեկացրեց, որ այն  դատարան են ներկայացրել ապրիլի 24-ին, երբ հանրապետությունում արդեն արտակարգ դրություն էր հայտարարվել՝ պայմանավորված կորոնավիորւսի համավարակով։

Մինչ այդ մեղադրող կողմը հայտարարեց, որ իրենց դիրքորոշումը կներկայացնեն բոլոր միջնորդությունները լսելուց հետո։

Ալումյանն այս անգամ էլ նշեց, որ Ռոբերտ Քոչարյանը գտնվելով ազատութան մեջ չի փորձել խոչընդոտել գործի քննությանը, ապա վկայակոչեց ԵԽ  խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման կոմիտեի   հայտարարությունը՝ պանդեմիայի  իրավիճակում անազատության մեջ գտնվող մարդկանց հետ վարվելու սկզբունքները, ըստ որոնց պետական մարմինները պետք է առավել շատ կիրառեն ազատությունից զրկման այլընտրանքային միջոցները, այդ թվում՝ պատժի ժամանակահատվածի կրճատում, պատժից վաղաժամկետ ազատում և փորձաշրջանի կիրառում:

Նշվում է,  նաև՝ հաշվի առնելով, որ անձնական շփումները խթանում են հիվանդության տարածումը՝ բոլոր համապատասխան մարմինների կողմից պետք է ջանքեր գործադրվեն՝ կիրառելու ազատությունից զրկման այլընտրանքային միջոցներ։

Ալումյանը վկայակոչեց նաև Առողջապահության համաշխարհային կազմակերպության զեկույցը, որտեղ նշվում է, որ կորոնովիրուսի նկատմամաբ առավել խոցելի են 60 տարեկանից բարձր անինձք, սիրտ անոթային, հիպերտոնիկ ու այլ  առողջական խնդիրներ ունեցող անձինք։
«Տվյալ պահին պարոն Քոչարյանը գտնվում է միաժամանակ մի քան ի ռիսկային խմբերում, նա 66 տարեկան է ունի հիվանդություններ, որոնց ախտորոշումը չեմ ցանկանում հրապարակել, ամեն դեպքում սիրտանոթային խնդիրներին է վերաբերում»,-ասաց Ալումյանն ու միջնորդեց կամ վերացնել կալանքը, ազատ արձակել, կամ կիրառել գրավ, կամ բավարարել անձնական երաշխավորությամբ խափանման միջոցը փոխելու միջնորդությունը։

Ալումյանը ներկայացրեց նաև Իզմիրլյան ԲԿ-ից տեղեկանք, որը վերաբերում է ներկա պահին Ռոբերտ Քոչարյանի առողջական վիճակին, ասաց, եթե դատարանը ցանկանա հրապարակել փաստաթղթի բովանդակությունը, միջնորդում են նախ և առաջ դատական դռնփակ նիստ հրավիրել։
Բոլոր պաշտպանները հայտարրեցին միանում են միջնորդությանը։

Փաստաբան Արամ Վարդևանյանն էլ ներկայացրեց կալանքը գրավով փոխելու միջնորդություն, ասաց այն ներկայացրել է ապրիլի 17-ին, երբ դատավորը վերադարձավ աշխատանքի։ Ասաց հույս ուներ, որ այն կքնարկվի անհապաղ։ Վարդևանյանը հրապարակեց կորոնովիրուսի հաստատված դեպքերի, ինչպես նաև հիվանդության հետևանքով մահվան դեպքերի թվի մասին։

Վարդևանյանը հարցում է ուղարկել ՔԿ ծառայություն, թե քրեակատարողական հիմնարկներում 65 տարեկանից բարձր քանի՞ կալանավորված կա, քանի՞սն ունեն համակցված հիվանդություններ։

«Պարզվեց, որ ՔԿՀ-ներում 65 տարեկանից բարձր ութ մարդ կա, իսկ համակցված հիվանդություններ ունեցողները երեքն են»,-ասաց փաստաբանն ու ավելացրեց, որ ապրիլի 28-ի դրությամբ հինգ կալանավորից վերցրել են կորոնավիրուսի թեստ, հիշեցրեց, թեստավորում են հիվանդության ախտանշանների դեպքում։

Փաստաբանն ընդգծեց, որ կառավարությունը կորոնավիրուսը սահմանել է որպես մարդու կյանքի ու առողջության համար սպառնալիք բոլոր մարդկանց համար, հատկապես խոցելի մարդկանց։

«Ֆրանսիայում ահաբեկչական գործողություն կատարած մարդկանց անմեղության կանխավարկածը հարգելով փոխել են կալանքը»,-ասաց նա՝ նկատելով, որ Քոչարյանի գործով հասել են իրավական նիհիլիզմի մի քանի դրսևորումների, կոչ արեց թույլ չտալ, որ իրավական նիհիլզմից անցնեն ցինիզմի։

Նա հորդորեց դատարանին գրավը ճանաչել որպես ավտոնոմ խափանման միջոց, գրավի չափ որոշելը թողնում են դատարանի հայեցողությանը։

Նիստը Յուրի Խաչատուրովի առաջարկությամբ ընդմիջվեց, նա կարծես թե վատ էր զգում։