Ձեր վստահելի աղբյուրը

«Սատտվա Յոգա» ստուդիայի հիմնադիր տնօրեն, յոգայի ուսուցիչ, նախկին լրագրող Նարինե Բաղդասարյանը, մինչ ԱԺ կողմից «Սեռական շահագործումից և սեռական բնույթի բռնություններից երեխաների պաշտպանության մասին ԵԽ կոնվենցիան վավերացնելու մասին» օրենքի ընդունումը, ահազանգում էր՝ մեր երեխաներից խլում են նրանց մանկությունը։ Նա կոչ է անում պայքարել դրա դեմ, խոսել, կարծիք հայտնել։

Նա գրել է.

«Լանզարոտի կոնվենցիայի» մասին է խոսքս։
Մեկ  շաբաթ առաջ ԱԺ-ում անդրադարձան «Լանզարոտի կոնվենցիան» վավերացնելու մասին հարցին, որը կքննարկվի առաջին լիագումար նիստում։

Փաստորեն մեր երեխաների մասին մեզանից շատ մտահոգվող մարդիկ կան։ Սեռական շահագործումից և սեռական բնույթի բռնություններից երեխաներին «պաշտպանելը», նշեցի չակերտների մեջ պաշտպանել բառը, քանի որ դա պաշտպանություն չէ։ Շատերը նույնիսկ տեղյակ չեն այս ամենի մասին և երևի կիմանան հանկարծ ... դպրոցում, որ ասեն՝ նոր առարկա է մտել դպրոց։

Կոնվենցիայի կետ վեցերորդում նշվում է, որ «յուրաքանչյուր կողմը պետք է ձեռնարկի անհրառեշտ օրենսդրական կամ այլ միջոցառումներ, ապահովելու համար, որպեսզի երեխաները տարրական և միջնակարգ կրթություն ստանալու ժամանակ, տեղեկանան սեռական շահագործման և սեռական բռնության հետ կապված վտանգի հետ, ինչպես նաև իրենց «պաշտպանելու» միջոցների մասին։
Կրկնում եմ բառերը, «իրենց պաշտպանելու միջոցների մասին»։ Այ հենց այս բառերով էլ թոզ են փչում մարդկանց աչքերին։

Այն ծնողը, որը մի քիչ ավելի խորը մտածել չգիտի նույնիսկ կարող է ուրախանալ, որ իր երեխան լավ բան է սովորելու։

Ժողովուրդ ուշքի եկեք... էս ինչ են անում մեր երեխաների հետ։ Սերունդ են այլասերում սրանք։
Վեց տարեկան երեխան չունի սեռական և սեքսուալ գիտակցում, ու մինչեն 9 տարեկան, ամենաքիչը, չի թույլատրվում երեխայի մեջ արթնացնել այդ գիտակցումը։ Ովքեր ունեն երեխաներ, թող այ հենց հիմա նայեն վեց, յոթ , ութ տարեկան իրենց անմեղ երեխաներին։

Ոնց..... ասենք իմ երեխան գնա դպրոց, առաջին դասարան, և մեկը գա ու սկսի երեխային բացատրել ինչ է նշանակում սեռական բռնություն և ինպես պաշտպանվե՞ լ։

ՈՐՊԵՍԶԻ ԵՐԵԽԱՆ ՀԱՍԿԱՆԱ Ի՞ ՆՉ Է ՍԵՌԱԿԱՆ ԲՌՆՈՒԹՅՈՒՆԸ, ՆԱ ՊԵՏՔ Է ՀԱՍԿԱՆԱ ԻՆՉ Է ՍԵՌԱԿԱՆ ՀԱՐԱԲԵՐՈՒԹՅԻՒՆԸ, ՃԻՇՏ Է՞... դե թոզ փչեք մեր աչքերին, որ չտեսնենք ճշմարտութրունը, կարո՞ղ ե ք... չեք կարող... մենք դեբիլ չենք լսեք, ոչ էլ մոլախոտ, որ թույլ տանք գաք ու մեր երեխաների մանկությունը աղավաղեք ձեր այլասերված գաղափարներով։

Աշխարհի հարուստ պեդոֆիլները իրենց սև գործը միշտ են անում ու անելու են։ Մենք պիտի արթուն լինենք ու պայքարենք մեր երեխաների առողջ հոգեբանության համար, հայտնենք մեր կարծիքը, որ տեսնեն էստեղ մտածող մարդիկ կան, որոնց ուզում են մոլախոտի տեղ դնել։

Ես թույլ չեմ տա , որ որևէ մեկը փչացնի իմ երեխայի անհոգ մանկությունը, ու վեց տարեկանից նրա գիտակցության մեջ սերմանի սեքսի և սեքսուալ բռնութրան սև գաղափարը... որ երեխան կորցնի իր հոգեկան հանգստությունն ու հավասարակշռությունը։

Դուք կեղտոտում եք մեր երեխայի մտային պլանը, վնասում մեր անմեղ ու մաքուր երեխաներին։
Ես դեմ եմ այս հրեշավոր կոնվենցիային»։