Ձեր վստահելի աղբյուրը

Սուրբ  Աթոռում Հայաստանի նախկին դեսպան Միքայել Մինքասյանը հրապարակել է «Ստի վերջը» տեսաշարի երրորդ տեսանյութը, որը վերնագրված է «Պոպուլիզմ ու թալան. պետական օլիգարխն ու մի ինքնաթիռ մաքսանենգ ծխախոտը»։

Մինասյանն այստեղ  պատասխանում է բազմաթիվ մարդկանցից ստացած հարցին՝ արդյո՞ք Նիկոլ Փաշինյանը պոպուլիստ է։

«Պատասխանն անսպասելի է։ Ոչ։ Նիկոլ Փաշինյանը պոպուլիստ չէ։ Իսկ թե ինչու պոպուլիստ չէ, փորձեմ բացատրել»,-ասաց նա։

Մինասյանը նշեց, մարդկանց մի խումբ կա, որոնք ոչ վաղ անցյալում ապրում էին վատ, միջին վատ կամ մինջին լավ, մի խոսքով, ոչ լավ, բայց հիմա ապրում են շատ-շատ լավ ժողովրդի հաշվին։

Երկրորդ խումբը ժողովուրդն է, որ անցյալում  ապրում էր ոչ լավ կամ վատ, բայց հիմա ապրում է շատ վատ, ամեն հաջորդ շաբաթ ավելի վատ է ապրում։ Մինասյանը նշեց, երրորդ խումբ էլ կա, ավելի ուշ կանդրադառնա նրանց։

«Առաջին խումբը գլխավորում է Նիկոլ Փաշինյանը, իր ընտանիքը, քիչ քանակի մտերիմներ, որոնք օգտվում են իշխանությունից և ապրում են ժողովրդի հաշվին։ Այդ մարդիկ պոպուլիստներ չեն, կրկնում եմ, Նիկոլ Փաշինյանն էլ պոպուլիստ չէ, որովհետև նա խախտել է պոպուլիզմի չգրված օրենքները»,-խոսքը շարունակեց Մինասյանը։

Նա որպես օրինակ նա համեմատությւոն անցկացրեց Վրաստանի նախկին նախագահի Միխեիլ Սահակաշվիլու հետ, որը չապրեց կառավարական ամառանոցում, չօգտվեց առավելություններից, վարդերի հեղափոխությունից հետո Սահակաշվիլին  չնմանվեց այն իշխանություններին, որոնց դեմ ինքն արեց հեղափոխությունը։

«Ի՞նչ արեց Նիկոլ Փաշինյանը, Նիկոլ Փաշինյանն առաջին օրվանից ոչ միայն չօգտվեց  այդ ամբողջ փաթեթից, այլև այդ փաթեթն ավելացրեց։ Հիշում եք, որ նա նույնիսկ չսպասեց, որ իր քաղաքական հակառակորդ Սերժ Սարգսյանը լքի պետական ամառանոցները, չտեսի պես, ինքնամոռաց մտավ դաչաները, սկսկեց ցույց տալ, ժողովուրդ ջան, այստեղ ես ապրելու եմ, ուտելու եմ, լողանալու եմ, իմ ամառանոցն է, վայ-վայ, ինչ լավն է»,-հիշեցրեց նախկին դեսպանը։

Մինասյանը հիշեցրեց, Փաշինյանի երկրորդ ոչ պոպուլիստական քայլը, նա ծախսել է երկու մլն դոլար վերանորոգելու առանձնատունը։

«Վստահենում եմ, հասկանալի պատճառներով ես եղել եմ այդ տանը, կարիք չուներ միլիոնավոր դոլարներով վերակառուցման»,-ասաց նա։

Հիշեցնենք, որ Միքայել Մինասյանը ՀՀ երրորդ նախագահ Սերժ Սարգսյանի դստեր ամուսինն է։

Նրա խոսքով, Նիկոլ Փասշինյանը որոշեց, որ իր կյանքի որակը շատ ու շատ ավելի բարձր պետք է լինի, քան Սերժ Սարգսյանինը, որովհետև ինքն ուներ վաղեմի երազանք։ «Իր հիմնական երեք նպատակներից մեկն էր, որ ինքն ապրի Գագիկ Ծառուկյանից լավ, որովհետր Հայաստանի Հանրապետությունում միայն կայացած, շատ հարուստ բիզնեսմեն Գագիկ Ծառուկյանը կարող է իրեն թույլ տալ այն կյանքի որակը, որն ունի Նիկոլ Փաշինյանը։

Ես չգիտեմ, ուրիշ մարդ կա՞, որ կարող է ուղղաթիռով գնալ Ղարաբաղ իր ղային տեսնելու։ Կամ մեկ ուրիշ մարդ կա՞, որ անհասկանալի հանդիպման համար ինքնաթիռ վարձակալի ԱՄՆ գնալու համար։ Իսկական պոպուլիստը կգնար էկոնոմ դասով։

Այս օրինակները շատ շատ են»,-թվարկեց Մինասյանը՝ միաժամանակ հիշեցնելով, որ Փաշինյանը գնել է մեքենաներ իր ընտանիքի անդամների համար, ավելացրել է շարասյունը։

Նախկին պաշտոնյան վստահեցրեց, Փաշինյանի ու նրա ընտանիքի անդամների անվտանգության ապահովման համար աննախադեպ մեծ թվով միջոցներ են օգտագործվում, նման բան չի եղել վերջին երեսուն տարում Հայաստանում։

«Օրինակ իտալական վոյաժից մնաց երկու փաստ, ծախսվեց աներևակայելի մեծ գումար անիմաստ, փաստ համար երկու, որ նա կռվեց Սենատի նախագահի հետ ու այնտեղից հայտարարեց, որ Միքայել Մինասյանը փաստորեն վաըիկանյան պադվալներում է։ Ի դեպ, դա կարող էր անել իր ամառանոցից կամ Սևանի ամառանոցից, ես չէի նեղանա, կհասկանայի։ Պոպուլիզմի հետ բացարձակ աղերս չունեն միլիարդավոր պարգևավճարները։ Ամբողջ մի ժողովուրդ խնդրում է, ասում է՝ վերջ տվեք, ասում են իշխանության կողմնակիցներն ու ընդդիմադիրները, բայց նրանք թքած ունեն մարդկանց կարծիքի վրա, որովհետև համարում են՝ իրենք փրկիչ են ու պիտի ապրեն շատ-շատ լավ»,-ասաց Մինասյանը։

Նախկին դեսպանն ուշադրություն հրավիրեց այն փաստին, որ Նիկոլ Փաշինյանը ոչ թե պոպուլիստ է, այլ պետական օլիգարխ, քանի որ պետության հաշվին ապրում է օլիգարխի պես։ Ըստ նրա, մինչ այս Նիկոլ Փաշինյանը դա անում էր թափանցիկ, բայց քանի որ հիմա հասկանում է՝ իր իշխանությանը քիչ է մնացել, փորձում է այնպիսի կարողություն դիզել, որ իրեն թույլ կտա պահպանել կյանքի բարձր որակը իշխանությանը կորցնելուց հետո։

«Դրա համար Հայաստանը ներքաշել է մի այնպիսի միջազգային մաֆիոզական համակարգի մեջ, որն ուղղակի խփում է Հայաստանի հեղինակությանը, որի աղմուկը դեռ շատ կլսենք։ Ես իհարկե խոսում եմ ծխախոտով լի օդանավի մասին, որն ունի հետաքրքրիր զարգացումներ։ Առաջին զարգացումն այն է, որ Հայաստանի իշխանություններն ամեն ինչ արեցին, որ այդ պատմությունը ծածկադմփոց անեն»,-ասաց Մինասյանը։

Նրա ներկայացրածի համաձայն, պատմությունը հետևյալն է, «Զվարնթոց» օդանավակայանից մեկնում է ինքնաթիռ, որը ըստ փաստաթղթերի պետք է գնար Աֆղանստան։ Սակայն Ինքնաթիռը վայրէջք է կատարում Ռուսաստանի Կրասնոդար քաղաքի օդանավակայանում, որտեղ իրավապահները առգրավում են ծխախոտի խմբաքանակն ու սկսկում է քրեական գործ։

«Ըստ օպերատիվ տվյալների, Նիկոլ Փաշինյանն ունի ուղիղ կապ դրա հետ, որովհետև Սիփան Փաշինյանը՝ Նիկոլ Փաշինյանի եղբորորդին, կազմակերպում է այդ բիզնեսը Հայաստանի հայտնի շրջանակաների հետ, գնում է այդ ծխախոտը և որոշում է այն վաճառել Ռուսաստանում։ Այն, ինչ որ ես ասում եմ, Ռուսաստանի հատուկ ծառայություններն ունեն դրա փաստերը, ինչպես նաև Հայաստանի հատուկ ծառայություններն ունեն, եթե արդեն չեն ոչնչացրել։ Հայաստանի իշխանությունները 20-25 օր է՝ զբաղված են հետքերի ոչնչացմամբ, և փորձում են հնարավորինս ամբողջ փաթեթները շտկել»,-նշեց նա՝ ավելացնելով, որ այդ գործում մասնակցություն են ունեցել Փաշինյանի աներձագ Հրաչ Հակոբյանը, Փաշինյանի կինը՝ Աննա Հակոբյանը։

Մինասյանի խոսքով, Ռուսաստանի հատուկ ծռայությունները բեռի մասին իմացել են Հայաստանի հատուկ ծառայություններից, ինչի հետևանքով էլ ԱԱԾ-ում սկսկել է կադրային ջարդ։

«Հիմա ԱԱԾ-ում չիստկաներ են, ավելի քան 20 սպայի գործից ազատում են հանում են, քրեական հետապնդումների են ենթարկում, և այլն, և այլն։ Իսկ երկրորդ փուլով, փորձում են թղթերը շտկել։ Երրորդը, փորձում են ռուսների հետ բանակցել, որ տեղեկատվությունը չհրապարակայնացնեն՝ դրա փոխարեն զիջելով ինչ-որ մի բան»,-ասաց նա։