Ձեր վստահելի աղբյուրը

Գերմանիան և Էստոնիան նախօրեին ՄԱԿ-ի Անվտանգության խորհրդին բանաձև են ներկայացրել՝ կորոնավիրուսային համաճարակի ընթացքում աշխարհի տարբեր հակամարտություններում հրադադարի ռեժիմի հաստատման վերաբերյալ, որը փոխարինում է Ֆրանսիայի և Թունիսի կողմից ներկայացված բանաձևին, որը Միացյալ Նահանգներն արգելափակել է: Այս մասին  գրում է France 24-ը։

Անվտանգության խորհրդի երկու ոչ մշտական անդամների կողմից ներկայացված բանաձևը պահանջում է «ռազմական գործողությունների ընդհանուր և անհապաղ դադարեցում»:

Նման քայլը նպատակ ունի օգնելու մոտ 20 երկրների,որոնք ճգնաժամի կամ պատերազմի մեջ են, պայքարել  կորոնավիրուսի դեմ, սակայն դեռ պարզ չէ, թե արդյոք այդ ուղղությամբ կոնկրետ քայլեր կձեռնարկվեն:

Բանաձևի նոր առաջարկում կոչ է արվում «մարդասիրական դադար դադարեցնել առնվազն 90 օր անընդմեջ», որպեսզի թույլ տրվի օգնություն հասցնել ամենաշատ տուժած համայնքներին:

Քվեարկության համար ժամկետը դեռ չի նշվել, բայց դա կարող է արագ տեղի ունենալ, եթե Խորհրդի 5 մշտական անդամներից ոչ մեկը չսպառնա օգտագործել իր վետոյի իրավունքը։

Հիշեցնենք, որ մարտի 23-ին ՄԱԿ-ի գլխավոր քարտուղարը ևս հանդես եկավ համաընդհանուր հրադադարի կոչով, որին իր աջակցությունն հայտնեց նաև Հայաստանը։