Դատավոր. Տուժող հանդիսանալու դեպքում ես կլինեի դատավարության կողմ
Արա Բաբլոյանի պաշտպան Արամ Վարդևանյանը մայիսի 13-ին դատարան է մուտքագրել միջնորդություն։ Հաշվի առնելով միջնոդության ծավալն ու այն, որ աշխատանքային օրվա ավարտին քիչ է մնացել, դատավոր Հարություն Մանուկյանն առաջարկեց այն քննարկել հաջորդ դատական նիստին։
Դատական հաջորդ նիստն առաջարկեց նշանակել հուլիսի 1-ին, դատավորին հիշեցրեցին, որ Դատախազության օրն է։ Նիստը նշանակվեց հուլիսի 9-ին ժամը 13։30-ին։
Իսկ մինչ այդ պատասխանելով Արսեն Բաբայանի ու նրա պաշտպան Լուսինե Սահակյանի կողմից հնչեցրած հարցերին, դատավոր Հ. Մանուկյանը կարծիք հայտնեց, որ ինքնաբացարկի հիմքում դրվող հարցադրումների շարքից դուրս են, պարզաբանող հարցադրումներ չեն։
Լուսինե Սահակյանը չհամաձայնեց դիրքորոշմանը, ընդգծեց, որ պատասխանը թույլ կտա որոշել, ինքնաբացարկ հայտնե՞լ դատավորին, թե՞ ոչ։
«Մենք չգիտենք, դատարանը կողմնակա՞լ է, թե՞ ոչ, ըստ այդմ, չգիտենք, ինքնաբացարկի միջնորդություն պե՞տք է ներկայացնենք, թե՞ ոչ»,-ասաց Սահակյանը։
Դատավորն արձագանքեց՝ անհամաձայնության հայտնելը պաշտպանի իրավունքն է։
«Հարցի պատասխանը կարող եք տալ միայն Դուք։ Պատասխանն էլ կարող է հիմք դառնալ միջնորդության համար, մենք միջնորդություն ներկայացնելու հնարավորությունից զրկվեցինք»,-ասաց փաստաբանը։
Դատավոր Հարություն Մանուկյանն այնուամենայնիվ նշեց, գործով ինքը դատավոր է, ոչ թե տուժող։
«Ինչ վերաբերում է հարցին, որ այս գործով ինձ համարեմ տուժող, կամ չհամարեմ տուժող, դատավարության հարգելի մասնակիցներ, լինելով պրոֆեսիոնալ իրավաբան, եթե անձը, փաստացի եմ ես ասում, քրեական գործով եթե տուժող է համարվում, բնականաբար ճանաչվում է տուժող։ Համարել ինձ տուժող, կամ չհամարել, հարգելի դատավարության մասնակիցներ, այս պահին հանդես եմ գալիս որպես դատարան, որպես նախագահող դատավոր։ Տուժողը հանդիսանում է դատավարության կողմ, տուժող հանդսիանալու դեպքում ես կլինեի դատավարության կողմ»,-ասաց դատավորն ու ավելացրեց, որ ինքը ինքնաբացարկի հիմքեր չունի։
Փաստաբան Լուսինե Սահակյանը կրկին չհամաձայնեց նրա հետ, ասաց՝ պարտադիր չէ, որ տուժողն ունենա դատավարական կարգավիճակ։
«Սույն գործով մեղադրանքում նշված է, որ ՀՀ բոլոր քաղաքացիները տուժողներ են»,-ասաց փաստաբանն ու ավելացրեց, որ ինքն էլ իրեն տուժող չի համարում։
Հարակից հրապարակումներ`
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
