Ձեր վստահելի աղբյուրը

Սուրբ Աթոռում ՀՀ նախկին դեսպան Միքայել Մինասյանը օրերս սկանդալային բացահայտում էր արել՝ հայտարարելով, որ Հայաստանից կարանտինի օրերին մի ամբողջ ինքնաթիռ մաքսանենգ ծխախոտ է արտահանել իբր Աֆղանստան, բայց նախատեսված է եղել վաճառվել Ռուսաստանի Դաշնությունում:

«Ես ուզում եմ նշել, որ այդ ծխախոտի արտահանման հարցում Հայաստանի մաքսային մարմինները իրավախախտում, ապօրինություն, արտոնյալ վիճակ ոչ մեկի համար չեն ստեղծել։ Մեղավորն արտահանողներն են, որոնք պետք է արտահանեին այլ երկիր, բայց որոշել էին ուրիշ երկրում վաճառել, որը չէին կարող անել։ Այդ երկրի իրավապահները պետք է պարզեն ու բոլոր մեղավորներին պատժեն»,-ընթացող ասուլիսում հնչեցրած հարցերին ի պատասխան ասաց Փաշինյանը:

Նա չմեկնաբանեց Մինասյանի ևս մեկ բացահայտում, որ այդ մաքսանենգ սխեման ղեկավարել են իր ընտանիքի անդամները, այդ թվում՝ իր կնոջ եղբայրը, «Իմ քայլը» խմբակցության պատգամավոր Հրաչյա Հակոբյանը։

«Ինչ վերաբերում է կնոջս եղբորը վերաբերվող դրվագին, ես տեղյակ եմ, որ Հրաչյա Հակոբյանը դատական հայց է ներկայացրել և այդ հարցին ոչ թե ես պատասխանելու կարիք ու անհրաժեշտություն կունենամ, այլ բոլորս հրապարակային կտեսնենք՝ ինչն է ճիշտ, թե ինչն է սխալ»,- ասաց Փաշինյանը: