Ձեր վստահելի աղբյուրը

Ուկրաինան մինչև վերջ պայքարելու է Դոնբասում հակամարտության կարգավորման համար` Մինսկի համաձայնագրերի սցենարի համաձայն, քանի որ Ռուսաստանի դեմ պատժամիջոցները կապված են այդ համաձայնագրերի հետ, regnum.ru-ի փոխանցմամբ այս մասին ասել է Ուկրաինայի նախագահ Վլադիմիր Զելենսկին։

Նա հիշեցրել է, որ նախկինում նա խոստացել էր մեկ տարում Դոնբասում հակամարտության կարգավորման հարցում իրական արդյունքների հասնել: Միևնույն ժամանակ, նա խոստովանել է, որ այժմ այդ գործընթացը օբյեկտիվորեն «մի փոքր դանդաղել է» ՝ կորոնավիրուսի պատճառով:

Նա ասել է, որ ևս մի քանի ամիս հարցի կարգավորումը կհապաղի։

«Մենք պետք է կարողանանք դիվանագիտական ելք գտնել այս իրավիճակից՝ համաձայն Մինսկի պայմանավորվածությունների», - հավելել է Ուկրաինայի նախագահը:

Զելենսկին հայտնել է, որ Կիևը Դոնբասի համար ունի պլան «B» և պլան «C», բայց չի ցանկանա դրանք կիրառել:

Այնուամենայնիվ, նա չի ցանկացեկ խոսել  Կիևի պահուստային պլանների էության մասին։