«Կառավարությանն առաջարկել ենք դուխով բացել ռեստորանները». հանդիսավար

14:12 20/05/2020

«Կառավարությանն առաջարկել ենք դուխով բացել ռեստորանները»,- ներկայացնելով կառավարության շենքում ակցիայի մասնակից ռեստորանների ներկայացուցիչների չորս հոգանոց խմբի ունեցած հանդիպման արդյուքները՝ հայտարարեց քննարկմանը մասնակցած հանդիսավար Վարդան Խաչատրյանը: Վերջինս հայտարարեց, որ ոլորտի աշխատակիցները գիտակցում են սոցիալական անվտանգության պահպանման անհրաժեշտությունը և իրենց աշխատանքները կկազմակերպեն այդ սկզբունքով:

Շոու բիզնեսի ներկայացուցիչը հայտնեց, որ իրենք ընդամենը առաջարկել են իրենց աջակցությունը կառավարությանը՝ որպեսզի գտնեն ռեստորանների վերաբացման հնարավորությունները: Այդ նպատակով ոլորտի սեփականատերերը և աշխատակիցները սոցիալական ցանցերով ձևավորելու են 10 հոգուց բաղկացած նախաձեռնող խումբ և իրենց առաջարկներն են ներկայացնելու գործադիրին, որը կքննարկվի կառավարության նիստում:

Ակցիային միացած «Լուսավոր Հայաստան» խմբակցության պատգամավորներից մեկը՝ Անի Սամսոնյանը հայտնեց, որ ակցիայի մասնակից բերման ենթարկված քաղաքացիները պետք է ազատ արձակվեն և դա լինելու է:

Քաղաքացիների ազատ արձակման խնդիրը լուծելու համար Գևորգ Գորգիսյանը գնաց ոստիկանության բաժանմունք:

Պատգամավոր Անի Սամսոնյանն ակցիայի մասնակիցներից ցուցակագրեց 6 ներկայացուցիչ, որոնց համար անցագիր կպատվիրի՝ ժամը 15.00-ին ԱԺ-ում նրանց հետ քննարկումներ կազմակերպելու համար:

Ակցիայի մասնակիցները հեռացան կառավարության շենքի դիմացից՝ քննարկումներ իրկանացնելու և հետագա քայլերն պլանավորելու նպատակով:

Հարակից հրապարակումներ`

Դերասան, հաղորդավար Սարգիս Գրիգորյանին բերման ենթարկեցին

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: