Ձեր վստահելի աղբյուրը

Ամերիկյան Ավրորա քաղաքում (Կոլորադո) սրճարանի այցելուն կրակել է խոհարարին, քանի որ վերջինս մի քանի անգամ հորդորել է նրան դիմակ կրել, փոխանցում է «Գազետա.ռու»-ն։

Դեպքը տեղի է ունեցել անցած շաբաթ «Waffle House» ցանցի սրճարաններից մեկում, բայց դրա մասին միայն այսօր է  հայտնի դարձել:

Ըստ ոստիկանության տվյալների, 27-ամյա Կալվին Ուոթսոնը սրճարան է այցելել մայիսի 14-ի գիշերը: Մատուցողը հայտնել է, որ իրեն չեն սպասարկելու, մինչև նա դիմակ չկրի:

Տղամարդը լքել է հաստատությունը, այնուհետև դիմակով վերադարձել է, բայց չի կրել այն: Նրան կրկին հորդորել են դիմակ կրել:

Այնուհետև Ուոթսոնը զենքը դրել է վաճառասեղանին և սկսեց սպառնալ այն խոհարարին, որը «սղոցել է իր ուղեղը»: Դրանից հետո այցելուն լքել է սրճարանը, ապա հաջորդ գիշեր վերադարձել ու հարվածել խոհարարի դեմքին։ Երբ վերջինս փորձել է փախչել, տղամարդը կրակել է նրա փորին։ Խոհարարները հոսպիտալացվել է, ապա հաջորդ օրը դուրս գրվել։