Ձեր վստահելի աղբյուրը

ՄԻԵԴ-ն իր վճռով դե յուրե անհերքելի է որակել Ադրբեջանի կողմից հայատյացության երևույթը։ Լրագրողների հետ հանդիպմնաը հայտարարեց ՄԻԵԴ-ում Գուրգեն Մարգարյանի իրավահաջորդների շահերի ներկայացուցիչ, փաստաբան Լևոն Գևորգյանը։

Նա շնորհակալություն հայտնեց այն ադրբեջանագետներին, մասնագետներին, որոնք օգնել են իրենց փաստահավաք աշխատանքներում։

«Փաստագրական տվյալները դատարանի համար բավարար են հանդիսացել կասկածից վեր առ այն, որ խտրականությունը Ադրբեջանի վարած քաղաքականության մեջ առկա է»,-նշեց փաստաբանն ու հիշեցրեց, որ Ադրբեջանում գերի ընկած Մանվել Սարիբեկյանի գործով ՄԻԵԴ-ը   բավական մոտեցել էր Եվրոպական կոնվենցիայի 14-րդ հոդվածին, սակայն վերջնական վճռում դրժել էր այն։

Տվյալներում ներառվել են Սաֆարովի ներման, հերոսացման վերաբերյալ ադրբեջանցի բարձրաստիճան պաշտոնյաների հայտարարությունները, ներման արդարացման վերաբերյալ արտահայտությունները։

«ՄԻԵԴ-ում այդ արդարացումները չեն անցել, արձանագրվել է, որ տեղի է ունեցել կյանքի իրավունքի ընթացակարգային կոպիտ խախտում, չի ապահովվել պատշաճ պատիժը, որը համահունչ կլինի անձի կողմից կատարած հանցագործությանը»,-նշեց նա։

Փաստաբանի խոսքով, իրենք աննախադեպ բան են կատարել՝ ՄԻԵԴ-ում պահանջելով մասնավոր անձի կատարած հանվագործությունը վերագրել պետությանը։

«Ողջ ընթացքում մեր պնդումը եղել է այն, որ Ադրբեջանը պատասխանատու է ոչ միայն այն բանի համար, որ հետամուտ չի եղել Սաֆարովի պատժի կրման համար, արդարացրել ու հերոսացրել է նարն, այլև Ադրբեջանն իր հայտարարություններոց Ռամիլ Սաֆարովի գործողություններն ընդունել է որպես սեփական։ Պետությունն դա արել է զինվորական կոչումը բարձրացնելու, ազատազրկման ժամանակ աշխատավարձ տրամադրելու, բնակարան նվիրելու ու այլ ճանապարհներով։ Սա միակ դեպքն է, որ ՄԻԵԴ-ը մեր փաստարկների հետ չի համաձայնել, և այս առումով մենք տեսնում ենք հետագայում աշխատելու, վիճարկելու խնդիր»,-խնդիրը ներկայացրեց իրավաբանը։

Գուրգեն Մարգարյանի շահերի պաշտպանները կարծում է, որ վճիռը բողոքարկելու է նաև Ադրբեջանը ՄԻԵԴ-ի Բարձր պալատում։

Լ. Գևորգյանը փաստեց, որ ՄԻԵԴ-ն առաջին անգամ է տալիս այնպիսի գնահատական, որ իրավունքի վերականգնման միակ հնարավոր տարբերակը ազատված անձին կրկին ազատազրկելն է։

Փաստաբան Սիրանույշ Սահակյանն էլ ավելացրեց, որ վճռի ոժի մեջ մտնելուց հետո իրենք պնդելու են, որ Ռամիլ  Սաֆարովը պատիժը կրի այնպիսի երկրում, որտեղ հնարավոր է  նրա պատժի կրումը այլ ծանր հանցագործների հետ նույն պայմաններում։

«Վերահսկողության մեխանիզմներ են լինելու, դա պետք է հմեզ համար ստուգելի լինի։ Կարծում եմ այստեղ մենք աշխատանք ունենք կատարելու ԵԽ նախարարների կոմիտեի հետ,-ասաց Սահակյանը։

Նրա խոսքով, նման վճռի առկայությունը բացառում է ԼՂ խնդրի կարգավորման այնպիսի լուծման թույլատրելիությունը, որն առաջարկում է  հայերին ապրել Ադրբեջանի կազմում, քանի դեռ հայատյացության  վերացում տեղի չի ունեցել։

«Քաղաքական թիմն արդեն զինված է ՄԻԵԴ այս վճռով, նրանք պետք է կարողանան ստանալ այդ վճռի քաղաքաան դրական արդյունքներները»,-հուշեց փաստաբանը։