Ձեր վստահելի աղբյուրը

 «Մոտավոր  300 քաղաքացի ռիսկեր ունեն  և ենթադրվում է, որ նրանց այլ աշխատանքներ կառաջարվեն»,-եզրակացրեց պատգամավոր Միքայել Մելքումյանը ոստիկանության բարեփոխումների արդյունքում կրճատվող աշխատատեղերի վերաբեյալ արդարադատության նախարարի տեղակալ Քրիստինե Գրիգորյանի ներկայացրած տվյալներից: 

Վերջինս ներկայացնելով «Ոստիկանության մասին» օրենքում փոփոխություններ և լրացումներ կատարելու մասի հարցը՝ հատարարեց, որ Երևանում գործող պարեկապահակային ծառայությունը ներկայում ունի 849 շարային ծառայող, իսկ «Ճանապարհային ոստիկանության» ծառայության առաջին  սպայական գումարտակը՝ 233 ծառայող  և նրանց  համտեղ թիվն անցնում է 1000-ից: Ըստ փոխնախարարի, օրենքի փոփոխությամբ նոր ստեղծվող միասնկանա պարեկային ծառայության  Երևանի շարային ծառայողների թիվը կլինի 700: Փոխնախարարը հավաստիացրեց, որ այն ոստիկաններին, որոնք չեն անցնի մրցույթը, կամ չեն ուզի մասնակցել դրանց, կառաջարկվի այլ աշխատանք ոստիկանության մյուս ստորաբաժանումներում:

Ի պատասխան Մելքումյանի մյուս հարցի՝ Քրիստինե Գրիգորյանը տեղեկացրեց, որ   Երևանի երկու ծառայությունների համար աշխատավարձային ֆոնդը շուրջ 3 մլրդ դրամ է, բայց կա նաև պարգևատրման ֆոնդ: Նոր պարեկային ծառայության համար աշխատավարձի ընդհանուր ֆոնդը կկազմի 4.3 մլրդ դրամ, ինչը, ըստ փոխնախարարի,  նշանակում է, որ մի բան էլ խնայում են պետական բյուջեն:

Փոխնախարարի ներկայացմամբ, նոր ստեղծվեղ ծառայության մեքենաների  և սպառազինութան համար 3.3 մլրդ դրամի ծախս է հաշվարկված:

Քրիստինե Գրիգորյանը նկատեց, որ նոր ստեղծվող միասնկանա պարեկային ծառայության   ծախսերի բեռը պետական բյուջեի վրա 4 մլրդ դրամի կարգի է լինելու, իսկ ոստիկանության ողջ ռեֆորմների  ծախսերը կկազմեն 16 մլրդ դրամ: