Ձեր վստահելի աղբյուրը

Անսովոր շոգ ամառ է սպասվում հյուսիսային կիսագնդի երկրներին. Այս մասին նախազգուշացնում է Համաշխարհային օդերևութաբանական կազմակերպությունը, գրում է Euronews-ը։

Փորձագետները նշում են, որ 2020 թվականի ամառային սեզոնը կարող է լինել պատմության մեջ գրանցված ամենաթեժերից մեկը։

Օդերևութաբանները, ԱՀԿ փորձագետների աջակցությամբ, ուղեցույցներ են պատրաստում տեղական իշխանությունների, բժիշկների, սոցիալական ծառայությունների և հասարակության համար: Խնդիրն է՝ օգնել հասարակությանը գոյատևել ամենաթեժ շաբաթները, պարզել, արդյոք կորոնավիրուսը տարածվում է օդորակման համակարգերով և այլն:

Սովորաբար, թեժ շոգի ժամանակ խորհուրդ է տրվում այցելել լավ օդով հասարակական վայրեր, բայց COVID-19 համաճարակի համատեքստում սա հակասում է սանիտարական անվտանգության չափանիշներին:

Բարձր ջերմաստիճանը հատկապես վտանգավոր է նորածինների, տարեցների և սրտի, թոքերի և երիկամների խանգարումներ ունեցող անձանց համար: 2003-ին ջերմային ալիքների ֆոնին Եվրոպայում մեկ սեզոնում մահացավ մինչև 70 հազար մարդ:

What happens when deadly heat coincides with #COVID-19? To help prevent an avoidable disaster, 37 experts from 25 countries answer questions and provide ideas for managing the health risks of heat during the pandemic: https://t.co/FKsIEHc0fZ pic.twitter.com/uMGvYhvge3

— Global Heat Health Information Network (@heathealth_info) May 26, 2020