Ձեր վստահելի աղբյուրը

ՄԻԵԴ-ի կողմից Ռոբերտ Քոչարյանի գործով խորհրդատվական կարծիքի հրապարակումից հետո ՀՀ երկրորդ նախագահի փաստաբանական թիմը որոշակի գործողություններ կձեռնարկի։

«Կարող եք ակնկալել որոշակի գորոծղություններ, բայց առնվազն այս փուլում դրանք չենք բացահայտի»,- երևանյան այգիներից մեկում տեղի ունեցած ճեպազրույցում ի պատասխան լրագրողների հարցերի՝ հայտարարեց փաստաբան Արամ Վարդևանյանը։

Նա հիշեցրեց, որ 2019 թվականի հուլիսի 18-ին ՍԴ որոշումը՝ գործը կասեցնելու մասին, վերաբերում էր ՄԻԵԴ-ից ու Վենետիկի հանձնաժողովից խորհրդատվական կարծիք ստանալուն։

«Հետևաբար գործընթացը դեռ ընթացքի մեջ է։ Բայց ՄԻԵԴ այս որոշումը առավել քան հստակ ուրվագծեց այն պնդումները, որոնք անում էինք, թե հետադարձության, թե որոշակիության ակնհայտ բացակայության մասով՝ կապված 300.1 հոդվածի հետ»,- ասաց  փաստաբանը։

Նա ընդգծեց, եթե 300.1 հոդվածը լիներ հստակ, ապա Եվրոպական դատարանի հրապարակած փաստաթղթում գրված կլիներ՝ «300.1-ը հստակ է», մինչդեռ այնտեղ տեսնում են այդ հոդվածի անհստակության բանաձևը։