Ձեր վստահելի աղբյուրը

Վերջին օրերին կորոնավիրուսի նկատմամբ թեստավորումների թիվը Հայաստանում նվազում է։

Հիմք ընդունելով հապարակվող պաշտոնական տվյալները՝ նշենք, որ

մայիսի 26-ին արվել է 1124 թեստավորում,
մայիսի 27-ին՝ 1253 թեստավորում,
մայիսի 28-ին՝ 1111 թեստավորում,
մայիսի 29-ին՝ 1039 թեստավորում,
մայիսի 30-ին՝ 984 թեստավորում,
մայիսի 31-ին՝ 603 թեստավորում։

Ինչո՞վ է պայմանավորված թեստավորւմների թվի նվազումը. Panorama.am-ը հետաքրքրվեց առողջապահության նախարարությունից։

Նախարարի մամուլի խոսնակ Ալինա Նիկողոսյանի խոսքով,   անցած օրերին որոշ լաբորատորիաներ չեն աշխատել, կատարել են եզրափակիչ ախտահանումներ:

«Բայց դա չի նշանակում, որ առաջիկայում թվերը չեն աճի: Նաև պետք է հաշվի առնել, որ 4 օր եղել է ոչ աշխատանքային և դիմելիությունն ավելի քիչ է եղել»,-ասաց նա։

Ընդհանուր առմամբ, այսօրվա տվյալներով Հայաստանում իրականացվել է 58668 թեստավորում: Վարակը հաստատվել է 9492 մարդու մոտ, նրանցից 3402-ն առողջացել են, Կորոնավիրուսային հիվանդությամբ այս պահին փաստացի բուժում է ստանում 5896 պացիենտ։

Հայաստանում մահացել է կորոնավիրուսով հիվանդ 194 մարդ, որից 55-ը՝  այլ պատճառներով։