Ձեր վստահելի աղբյուրը

Հինգ անգամ ավելացել են հիվանդանոցային այն տեղերը, որոնք  կարող են սպասարկել կորոնավիրուսով վարակված հիվանդներին:Այս մասին պարետատան նիստից հետո ճեպազրույցի ընթացքում հայտարարեց ՀՀ վարչապետ Նիկոլ Փաշինյանը, միևնույն ժամանակ անդրադառնալով  իրավիճակով պայմանավորված հնարավոր խստացումներին:

«Ինչ վերաբերում է խիստ ռեժիմի անցնելուն, ապա ըստ էության դե յուրե խիստ ռեժիմ  է սահմանված երկրում, խնդիրը դե ֆակտո կատարման մեջ է:  Հանրություն- կառավարություն հարաբերությունների մեջ հոգեբանական շատ լուրջ պրոբլեմ  կա, քանի որ կառավարությունն իր ծագումնաբանությամբ  հակահամաճարակային կանոնները պարտադրելու առումով ունի հոգեբանական գիծ,որը չի կարողանում անցնել: Մենք  բոլորով ենք այսօր  կառավարություն ձևավորել և ասել ենք,որ մի ընտանիք ենք: Եթե ընտանիքի մի հատվածը պետք  է  «դուբինկաներով» առողջություն պատադրի մյուս անդամին , սա մեզ համար լուրջ հոգեբանական  գիծ է: Եվ այս առումով, այո, ժամանակը վաղուց է անցել ,որ գնանք շատ խիստ  միջոցների : Ոստիկանությունը, ԱԱԾ-ն ու իրավապահ մարմինները պետք է ապացուցեն, որ պատրաստ են կամ ի վիճակի են իրականացնել իրավիճակին համապատասխան խիստ միջոցներ՝ այնտեղ, որտեղ անհրաժեշտ է»,-ասաց վարչապետը: