Ձեր վստահելի աղբյուրը

Քաջարանի կալանավորված բնակիչներից  Բաբկեն Համբարձումյանի մանկահասակ երեխաներից մեկն ունի առողջական լուրջ խնդիրներ։ Լրագրողների հետ հանդիպմանը նրա փաստաբան Կարեն Ղազարյանը։

«Բաբկեն Համբարձումյանն ունի երկու  տարեկան զույգ երեխաներ, նրանցից մեկն ունի շատ լուրջ առողջական խնդիրներ։ Դրա մասին մենք իմացանք ձերբակալման ընթացքում, բժշկական փաստաթղթեր տրամադրելիս։ Գիտե՞ք, այլ բան է, երբ ուսումնասիրում ես փաստաթուղթը հատկապես, երբ մասնագետ չես, այլ բան, երբ տեսնում ես երեխային»,-ասաց փաստաբանը։

Նա ասաց, երեխան ունի գանգի ոսկորների ճողվածք, որից հեղուկ է դուրս գալիս ու առկա է ուռուցք։

«Ուշագրավ է, երեք մեղադրյալներից բոլորի ցանկությունն էր, որ գոնե Բաբկենին չկալանավորեն։ Իրենք չէին մտածում իրենց մասին, մտածում էին ընկերոջ մասին, որ խնամքին հիվանդ երեխա ունի։ Բաբկենին կալանավորելը նշանակումէ  այդ ընտանքիիքն զրկել ֆինանսական միջոցներից, երեխային հայրական խնամքից, ինչը ծանր հետևանքներ կարող է ունենալ երեխայի համար»,-ահազանգեց փաստաբանը։

Կ. Ղազարյանը նշեց, որ Բ. Համբարձումյանը ընտանիքի միակ աշխատողն է։ Կալանավորվածներից մեկը Բաբկենի եղբայրն է, հետևաբար ընտանիքը զրկված աշխատողներից, մինչդեռ երեխայի բուժումը պահանջում է մեծ գումարներ։

«Երեխայի մոտ հիմա էլ հետևանքներ կան, աչքերի շլություն, գանգի ձևափոխում։ Բուժում չստանալու դեպքում դրանք ծանր կլինեն։ Չի կարող  խոչընդոտելու ռիսկը ավելի բարձր արժեք ունենալ, քան երեխայի առողջությունը»,-ասաց նա։

Նրա խոսքով, ընտանիքն ունի մեծ վարկեր, որոնց մի մասով բնակարան են գնել, մյուս մասով երեխայի բուժման ծախսերը հոգացել։

«Եթե Բաբկեն Համբարձումյանը մնա կալանքի տակ, կա ռիսկ, որ կկորցնեն բնակարանը, կա նաև ռիսկ, որ երեխայի հետ բուժման ծախսերը չեն կարող հոգալ։ Հիմա մեր իրավապահ մարմինները գտել են, որ երեխայի առողջական վիչակը չի կարող էական լինել կալանքի հիմքերը բացառելու համար։ Էլ ի՞նչ  կարող է ավելի կարևորել լինել, քան երեխայի առողջությունը»,-նկատեց փաստաբանը։
Նրա խոսքով, քննությանը խոչընդոտելու ռիսկը կարելի է չեզոքացնել օրինակ գրավով, որի վերաբերյալ միջնորդությունը դատարանը չի բվարարել, օպերատիվ գործողություններով ու այլ միջոցներով։

«Ես հպարտացա քաջարանցիներով, նրանք ամաչել են, օգնության կոչով չեն դիմել հանրությանը։ Ես հորդորում եմ՝ միանալ Բաբկեն Համբարձումյանին անհապաղ կալանքից ազատելու պահանջին, ապա աջակցել, որ նա կարողանա բուժում ստանալ արտերկրում»,-ասաց փաստաբանն ու նկատեց, որ ՄԻՊ-ի հետ խորհրդակցելուց հետո հնարավոր է հրապարակեն երեխայի լուսանկարներն ու տեսանյութեր։

Ասուլիսին մասնակից Լևոն Համբարձումյանի պաշտպան Վարդուհի Էլբակյանն էլ գործը որակեց աննախադեպ, առաջին իրավիճակն այն է, որ սխալ անձ է տարվել ոստիկանություն ու բռնության ենթարկել։ Երկորրդ իրավիճակն այն է, որ նույն գործով անազատության մեջ են մեկ ընտանիքի երկու աշխատողները։

«Մենք բողոքարկել ենք Լևոն և Բաբկեն Համբարձումյանների կալանքի մասին որոշումները»,-ասաց նա։

Նա ընդգրկված է եղել Երևանում աշխատող թիմում, հիշեցրեց, որ գործով կա 7 դատավոր, որից 4-ը՝ Դավիթ Հարությունյան, Վարդան Գրիգորյանը, Հարություն Մանուկյանը գտել են, որ ձերբակալությունները ոչ իրավաչափ են, մեկ մեղադրյալի կալանքի համար հիմնավոր կասկած դատավոր Արտուշ Գաբրիելյանը չի տեսել։ Մինչդեռ երեք դատավորներ՝ Նելլի Բաղդասարյանը, Վաչե Մարգարյանը, Ռոբերտ Պապոյանը կալանավորման որոշում են կայացրել նույնական փաստական հանգամանքներում։

«Եվ սա այն դեպքում, երբ ենթադրյալ տուժող Շավարշ Մարգարյանը հայտնել է, որ ինքն իրեն տուժող չի համարում, հայտարարել է, որ իր ցուցմունքները տվել է ոսոտիկանության աշխատակիցների ուղղորդմամբ։ Այս ցուցմունքները ունենալով ձեռքի տակ՝ երեք դատավոր գտել է, որ նրանք պետք է կալանավորվեն»,-նշեց Վարդուհի Էլբակյանը՝ կասկած հայտնելով, որ դատավորների վրա ճնշում է եղել։

Նա նկատեց, կա անձի առևանգման հոդվածով գործ, կա անձ, ով ասում է, իրեն չեն առևանգել, հայտարարում է, որ ցուցմունքները տվել է սպառնալիքի ներքո։

«Այս հանգամանքը չի գնահատվում, քննություն չի իրականացվում, իսկ տղաների նկատմամբ կիրառվում է ապօրինի կալանավորում»,-ասաց Էլբակյանը։