Ձեր վստահելի աղբյուրը

Ամերիկացի ռեժիսոր Վուդի Ալենը քննադատել է այն դերասաններին ու դերասանուհիներին, որոնք հրաժարվել են համագործակցել իր հետ այն բանից հետո, երբ նրա որդեգրված դուստր Դիլան Ֆերոուն մեղադրել է նրան սեռական ոտնձգությունների մեջ:

Ալենն արտիստների պահվածքն անվանել է հիմարություն: News.ru կայքը գրում է, որ The Guardian-ին տված հարցազրույցում նա հայտարարել է, որ իրենք պատկերացում չունեն փաստերի մասին և, հետևաբար, նրանք կառչում են իրենց համար բարենպաստ և անվտանգ դիրքից։ 

«Ո՞վ աշխարհում դեմ չէ երեխաների չարաշահման դեմ: Ինձ մերկացնելը դարձել է նորաձև գործունեություն, դա նման է, որ շրջապատում բոլորը հանկարծ սկսեցին կաղամբ ուտել»,- ասել է ռեժիսորը:

Վուդի Ալենն ընդգծել է, որ ցանկացած մարդ կարող է ուսումնասիրել մեղադրանքները և հասկանալ, որ դրանք անհիմն են և ծիծաղելի:

Ռեժիսորի հետ հրաժարվել են աշխատել Մայքլ Քեյնը, Քոլին Ֆերտը, Միրա Սորվինոն և Գրետա Գերվիգը։ Ավելի ուշ նրանց միացել են Ռեբեկա Հոլը, Տիմոտի Շալամեն և Սելենա Գոմեսը։