Ձեր վստահելի աղբյուրը

Ամերիկացի մոդել և Kylie Cosmetics կոսմետիկական ընկերության հիմնադիր Քայլի Ջենները 2020 թ. ամենաբարձր վարձատրվող աստղերի վարկանշային ցուցակում առաջինն է։  Ցուցակը կազմել է «Ֆորբսը»։ Այն հրապարակված է հենց «Ֆորբսի» կայքում։

22-ամյա Ջենները մեկ տարում վաստակել է 590 միլիոն դոլար։ Այդ գումարի զգալի մասը նա ձեռք է բերել Kylie Cosmetics ընկերության 51 տոկոս ակցիաների վաճառքից։

Երկրորդ տեղում է ամերիկացի ռեփեր Քանյե Ուեսթը։ Նրա տարեկան  շահույթը կազմել է 170 միլիոն դոլար։ Եռյակը եզրափակում է շվեյցարացի թենիսիստ Ռոջեր Ֆեդերերը՝ վաստակելով 106,3 միլիոն դոլար։

Ամենաբարձր վարձատրվող աստղերի տասնյակում է «Յուվենտուսի» պորտուգալացի ֆուտբոլիստ Քրիշտիանու Ռոնալդուն (տարեկան շահույթը՝ 105 միլիոն դոլար), «Բարսելոնայի» արգենտինացի հարձակվող Լիոնել Մեսսին (104 միլիոն դոլար), ամերիկացի դերասան Թայլեր Փերին (97 միլիոն դոլար), ՊՍԺ-ի բրազիլացի ֆուտբոլիստ Նեյմարը (95,5 միլիոն դոլար), ամերիկացի հեռուստա և ռադիո հաղորդավար Հովարդ Ստերնը (90 միլիոն դոլար), բասկետբոլիստ Լեբրոն Ջեյմսը (88,2 միլիոն դոլար) և դերասան Դուեյն Ջոնսոնը (87,5 միլիոն դոլար)։

ՏԱՍՍ-ի հաղորդմամբ, վարկանշային ցուցակում ընդգրված աստղերը մեկ տարում վաստակել են 6,1 միլիարդ դոլար, ինչը 200 միլիոնով քիչ է նախորդ տարվա համեմատ։