Ձեր վստահելի աղբյուրը

«Կարծում եմ՝ վերջին երկու տարիներին ոստիկանությունը, ԱԱԾ-ն շատ քիչ են ուժ կիրառել ոմանց նկատմամբ։ Պետք է ոմանց նկատմամբ այնքան ուժ կիրառեն, հեսա շատ շուտով,  որ ընդհանրապես ծպտունները դուրս չգա»,-ԱԺ  հատուկ նիստում ասաց վարչապետ Նիկոլ Փաշինյանը։ 

Նա նշեց, որ այսօր Հայաստանում ոստիկանությունը չպետք է վախենա գործել, ոստիկանությունը պետք է իր իրավասությունների սահմաններում գործի, գործի դուխով, վստահ, բայց նաև՝ օրինական։

«Այնպիսի տպավորություն է, որ ոստիկանությունը պետք է պատերի տակով թաքուն ման գա։ Ոչ՝ կանոնները, օրենքները խախտողները, հանցագործները պետք է պատերի տակով ման գան, ոստիկանությունը պետք է լինի ամենակաևորը՝ դուխով։ Ոստիկանությունը ոնց որ այս երկրի թիվ մեկ թշնամին է։ Ոչ՝ բեսպրեդելն է այս երկրի թիվ մեկ թշնամին, և այդ բեսպրեդելի մթնոլորտ տարածողներն ընդհանրապես պետք է մտնեն իրենց ծակերը»,- ասաց Ն. Փաշինյանը։