Ձեր վստահելի աղբյուրը

ՀՀ վարչապետ Նիկոլ Փաշինյանը ՀՀ ԱԺ յոթերորդ գումարման չորրորդ նստաշրջանի հատուկ նիստի ընթացքում ամփոփիչ ելույթի ժամանակահատվածն օգտագործեց ընդամենը մեկ հայտարարություն անելու համար:  

«Ուշադրություն, խոսում է ՀՀ վարչապետ Նիկոլ Փաշինյանը,

Սիրելի հայրենակիցներ,

Հայաստանի Հանրապետությունում կորոնավիրուսի համաճարակ է: Բոլորիդ կոչ եմ անում կրել դիմակներ և դրանք հանել միայն սնվելիս: Դիմակը պետք է կրել այնպես, որ այն փակի ձեր քիթը և բերանը: Պարբերաբար ախտահանեք ձեր ձեռքերը և չախտահանված ձեռքերով մի դիպեք ձեր դեմքին: Պահպանեք մեկուկես մետր սոցիալական հեռավորություն և բացառեք առանց դիմակի շփումը ձեր ընտանիքի անդամ չհանդիսացող անձանց հետ:

Սիրելի հայրենակիցներ, կրեք դիմակներ և դրանով կփրկեք հարյուրավոր կյանքեր: Դիմակները անհրաժեշտ է փոխել երեք-չորս ժամը մեկ: Կարող եք  օգտագործել ոչ միայն գործարանային արտադրության, այլև  Ձեր կողմից տանը պատրաստված դիմակներ:

Սիրելի հայրենակիցներ, ես շնորհակալություն եմ հայտնում բոլոր այն քաղաքացիներին, որոնք պահպանում են  հակահամաճարակային կանոնները և բոլոր նրանց, որոնք անսալով իմ այս կոչին, կպահպանեն հակահամաճարակային կանոները:

Կրկին անգամ ուշադրություն, խոսում է ՀՀ վարչապետ Նիկոլ Փաշինյանը»,- հայտարարեց վարչապետը  նույնը կրկնելով մի քանի անգամ՝ մինչև լրացավ սահմանված տասը րոպե ժամանակը: