Ձեր վստահելի աղբյուրը

Կորոնավիրուսով հիվանդ ու նրանց հետ կոնտակտ ունեցած 3500 հայաստանցու տվյալներ հայտնվել են ադրբեջանցիների ձեռքում։ Դրանք հրապարակվել են։ Այս մասին հայտարարել է տեղեկատվության անվտագության փորձագետ Սամվել Մարտիրոսյանը։

«Նման չէ կեղծիքի, հրապարակվել են հեռախոսի համարներ, անձնագրերի սերիաներ, վարակված կոնտակտավորների անուններ, հասցեներ։ Էդքանը կեղծելը երկար ու անիմաստ գործ է, կարծում եմ»,-իր գրառման ներքո հնչած հարցերից մեկին պատասխանել է Մարտիրոսյանը։

Նա խնդրել է ՝ իրենից ցուցակները չուզեն, քանի որ անձնական տվյալներ են պարունակում։

«Հ․Հ․Գ․ Ավել բան դեռ չգիտեմ, հաքերը ասում ա, որ մեյլ ա կոտրել ԱՆ-ից, բայց դե ինչ կուզի կասի
Հ․Հ․Հ․Գ․ Որքանո՞վ է հավանական, որ սրանք իրական տվյալներ են, այլ ոչ հորինած։ Երևի թե, իրական են, նման են իրականին, բայց դե մինչև չստուգվի, պարզ չի լինի։
Ո՞րն է սրա վտանգը։ Անձնական տվյալների տարածումը միշտ վտանգ է։ Բացի դրանից, բժշկական գաղտնիքի բացահայտում է, որը կարող է բերել այդ մարդկանց դեմ հանրային լարվածության։ Եվ, մենք նաև չգիտենք, թե էլ ինչ տվյալների արտահոսք կարող է եղած լինի»,-գրել է նա։

Հիշեցնենք, որ ավելի վաղ Ֆեյսբուք սոցիալական ցանցում հրապարալկվեցին ու արագորեն տարածվեցին կորոնավիրուսի հետևանքով մահացած մարդկանց անձնական տվյալները։