Ձեր վստահելի աղբյուրը

Վարչապետ Նիկոլ Փաշինյանի՝ ավիացիայի հարցերով նախկին խորհրդական Հակոբ Ճաղարյանը գրում է.

«Մոտ մեկ ամիս առաջ ArmNews տրված հարցզրույցումս հատուկ անդրադարձ եմ կատարել տարբեր պետություներում` ավիաուղևորների վճարվող հարկերին ու տուրքերին, բերել եմ մի քանի օրինակ:

Այլ առիթով նշել եմ COVID-19 համավարակի հետևանքով համաշխարհային ավիացիայի ոլորտում տեղի ունեցող փոփոխությունների մասին: Եվ ընդգծել այն հանգամանքը, որ Հայաստանի առջև COVID-19 ը բացել է ավիացիայի ոլորտում տասնամյակներով թույլ տրված բացթողումների ուղղման հնարավորություն: Փրկության դուռ:

Բոլոր պետությունները կարևորտեղ են հատկացնում ավիացիայի ոլորտի հետագա զարգացումներին: Մի շարք պետություններ, ինչպես Ֆրանսիան, Գերմանիան, Նիդեռլանդները, ... ֆինանսավորում են իրենց ազգային փոխադրողներին, ձեռք բերելով բաժնեմասեր և ուժեղացնելով վերահսկման հնարավորությունները:

Մյուսները կիրառում են տեղական փոխադրողների աշխատանքը խաթարողների հանդեպ կանխարգելիչ մեխանիզներ (Ավստրիա, Իսպանիա, Չեխիա, Լեհաստան...)...

Ահա Շվեյցարիայի գործողությունները` ավելացնում են օդային տրանսպորտից օգտվողների, արդեն իսկ գոյություն ունեցող, բայց ոչ մի տեղ չերևացող տուրքը ևս $30-120 - ով, կախված հեռավորությունից: Անգլիայի օրինակով (հիշեցնեմ, որ Անգլիայում այն կազմում է 64-128 անգլիական ֆունտ, համապատասխանաբար մինչև 2000 և դրանից ավել ծովային մղոն կազմող թռիչքների համար):

Մի խոսքով` բոլորը զբաղված են իրենց ԱԶԳԱՅԻՆ ԱՐԺԵՔՆԵՐԻ` Ազգային Ավիափոխադրողների և Ավիացիոն մասնագետների շահերի պահպանմամբ և պաշտպանմամբ:

Միայն ՀՀ ավիացիայի ոլորտը կարգավորողներն են գործում տրամագծորեն հակառակ տրամաբանությամբ:

Բազմիցս նշել եմ` սա, ամեամեղմ գնահատականի դեպքում, ապապետական է:
ՀՀ ուղևորահոսքում ընդամենը 2-4% կազմող սեգմենտի շահառուներին սրաշահելու աչքակապությամբ «բուռն գործունեության» խաբեություն:

Ազգը պետք է ճանաչի իր «հերոսներին»»։