Ձեր վստահելի աղբյուրը

«Այսօրվանից Հայաստանը դարձավ բռնապետոթյուն, որ կարծիք արտահատելը կարող է այս իրավիճակը ստեղծել։ Այսօր քաղաքական ուժի ղեկավարի կարծիք հայտնելը կարող է հանգեցնել սրան»,- ԱԱԾ դիմաց լրագրողների հետ զրույցում ասաց ԲՀԿ-ական պատգամավոր Գևորգ Պետրոսյանը:

Նրա խոսքով, Գագիկ Ծառուկյանը ասել է ժողովրդի վիճակը վատ է, մարդիկ սոված են, կառավությունը  ձախողել է բոլոր ուղղություններով. «Լավ է արել, որ ասել է, չուզողի աչքն էլ հանել է Գագիկ Ծառուկյանը: Թող այդ անգրագետները... Ախր մենք իրենց մասին այնքան բան գիտենք, բա որ մենք ենք խոսել: Սա խուժանության գագաթնակետն է, սա քաղաքական այլախոհությունն օրորոցում խեղդելու ամենախայտառակ փորձն է և իրենք հաստատ պատժվելու են: Այսքան ոստիկան են հանել, ինչի՞ համար են մարդկանց ծեծում ու տանում, կանանց են ծեծում, նոր գցեցին, ինչի՞ համար»:

Պատգամավորը նշեց, որ ապօրինի հրաման կատարելը դատապարտելի է, այն բոլոր ոստիկանները, ովքեր ներգրավված են այս ակցիայի մեջ, վաղը պատասխան են տալու ապօրինի հրաման կատարելու համար:

Հարցին՝ հնարավոր համարո՞ւմ է առաջիկա ժամերին փորձեն անձեռնմխելիությունից զրկել Գագիկ Ծառուկյանին, այնուհտեև ձերբակալել, Պետրոսյանը պատասխանեց. «Այս անգրագետներից ամեն ինչ հավատում եմ, ամեն ինչ էլ սպասելի է»:

«Պատգամավորն ուզում է փողոցն անցնի, թևերը ոլորում են, սա խուժանության գագաթնակետն է, նման բան ոչ մի իշխանության օրոք չի եղել: Մենք որպես ընդդիմություն քննադատել ենք բոլոր իշխանություններին, բայց նման անպատկառություն, բացարձակ ապօրինություն որևէ իշխանության օրոք չի եղել: Ոստիկանական ուժերն անհամաչափ միջամտություն են ունենում, մենք խաղաղ եկել ենք ու պահանջում են ԱԱԾ-ն օբյեկտիվ գտնվի իր գործողություններում։

ԱԺ փոխնախագահ Ալեն Սիմոնյան կոչեցյլաը, նա ո՞վ է, որ առանց որևէ փաստի ելնում է  իրեն դատարանի տեղ է դնում, դատավճիռ է հրապարակում: Այ տղա, դու ո՞վ ես: Կամ դուք ձեր բանուգործը թողել եք, ժողովրդը սոված մեռնում է, փոխանակ ժողովրդի մասին մտածեն, ժողովրդի խնդիրը լուծեն, չգիտեմ՝ ինչի հետևից են ընկել: Եթե Գագիկ Ծառուկյանը հանցագործ էր, բա այս երեք տարի ի՞նչ էիք մտածում, իր ձեռքը բռնած ֆռֆում եք,  հուշագիր եք ստորագրում դողդոջուն ձեռքերով Նիկոլ Փաշինյանը։ Այսօր, որ Նիկոլ Փաշինյանը ՀՀ վարչապետն է, դրա համար երախտապարտ է  Գագիկ Ծառուկյանին. եթե ԲՀԿ խմբակցությունը չլիներ, ինքն  իրավունք չուներ առաջադրվեր երկրորդ անգամ։ Իրենք վախեցած են, միշտ էլ վախեցած մարդը  հոգեվարքի նշաններ է դրսևորում, ավելորդ քայլեր անում, բայց այս ամեն ինչը անպատասխան չի մնա»,- ասաց Գ.Պետրոսյանը: