Ձեր վստահելի աղբյուրը

«Երևանում անշարժ հուշարձանների թիվը անցնում է մոտ 1000-ից, վերջին տարիներին 200-ից ավելի պատմամշակության արժեքներ նորահայտ հուշարձանի կարգավիճակ են ստացել»,- ասուլիսում ասաց ԿԳՄՍ նախարարության պատմության և մշակույթի հուշարձանների պահպանության գործակալության պետ Արմեն Աբրոյանը։

Նա նշեց, որ պետական հաշվառման գործընթացն ամեն տարի ընթանում է, անընդհատ նոր հայտնաբերումներ ու արժևորումներ են լինում։

Ա.Աբրոյանի խոսքով, հետհեղափոխության շրջանում կարծես չպետք է որևէ հուշարձան քանդվեր ու պատմական միջավայր խաթարվեր, սակայն վերջին երկու տարիներին շարունակում են ապօրինի բարձրահարկերը, ավելին՝ թույլատրվում են որոշ գերատեսչությունների կողմից։

«Դա չկանխելը և մեր կողմից տագնապի բարձրացմանն ընթացք չտալը բերեց Ֆիրդուսի երկու պատմամշակութային արժեք ունեցող շինությունների դեպքերին»,- ասաց նա։

Ա. Աբրոյանը կարևոր է համարում որևէ քաղաքային միջավայրի կամ հուշարձանների, պատմական միջավայրի պահպանման համար տվյալ գերատեսչության գործունեությունը. «Համարում եմ նման ձեռագրով ու մոտեցմամբ անթույլատրելի է պահպանել, հնարավոր չէ պահպանել  ու ժառանգներին թողնել նորմալ պատմամշակութային արժեքներ»։

Նրա խոսքով, Երևանի Հանրապետության 6 և 11 հասցեների շենքերը, որոնք քանդվել են, մինչ այդ հանձնարարականով սկսել էին գործընթաց դեռևս 1-2 տարի առաջ, որպեսզի հաշվառվեն տվյալ հուշարձանները, համաձայն օրենքի, պետական հաշվառման վերցված որևէ շինության նկատմամբ անթույլատրելի է որևէ գործողություն կատարել, մասնավորապես քանդել։

«Տվյալ դեպքում համապատասխան մարմինները տեղյակ են եղել, որ դա վերցրել ենք հաշվառման։  Փորձագիտական հանձնաժողովը, որը եզրակացություն է տալիս արժեքի վերաբերյալ, քանի որ համապատասխան գիտահետազոտական ՊՈԱԿ-ը ներկայացրել է թերի փաստաթղթեր, 6 կողմ, 1 ձեռնպահ և 4 դեմ ձայներով համարել է, որ այն ունի արժեք, բայց որպեսզի ցուցակում ընդգրկվի, ընդհանրապես  թաղամասը որպես քաղաքաշինական հուշարձան դիտարկվի, ուսումնասիրությունները շարունակվեն տվյալ տարածքում, կրթության, գիտության, մշակույթի և սպորտի փոխնախարար Նարինե Խաչատուրյնաը հայտարարեց, որ Աբրոյանը թերացել է և պատշաճ չի կատարել իր աշխատանքը և հանձնարարարական չի տվել։ Մենք գրությունը ներկայացրել ենք 2019 թ. հունիսին, որպեսզի ուսումնասիրվեն դրանք, կազմվեն պետական հաշվռման փաստաթղթեր ու նշված տարածքի հատակագծերն այդ կառույցների նշմամբ։ Այս մասով հստակ արձանագրում ենք, որ տիկին Խաչատուրյանի ասածը սուտ է։ Կարծես գերական պետական շահ է դարձել պետական մարմիններից պաշտոնյաների հայտարարությունները, որոնք սուտ են»,- ասաց Ա. Աբրոյանը։

Նա նշեց, որ Երևանի պատմամշակութային միջավայրի  աղճատման վերաբերյալ դեռևս 2019 թ. հուլիսին գրություն է ներկայացրել նախարարություն, խնդրել է թույլատրել դիմել ոստիկանությանը բոլոր իրավախախտումների համար պատասխանատվության ենթարկել օրենքի խախտողներին, որովհետև դրանք կատարվել են առանց գործակալության համաձայնության օրենքի խախտումով։ 

Ա. Աբրոյանն ընդգծեց, որ սույն գրությունը մինչ օրս չի առաքվել։

Մանրամասները՝ տեսանյութում։