Ձեր վստահելի աղբյուրը

Վերջին օրերի վերլուծությունները ցույց են տալիս, որ շատ ենք ունենում մոտ հասցեներում վարակված դեպքեր՝ հարևան շենքներում, նույն փողոցի բնակարաններում, եթե դրանք առանձնատներ են, նույն խանութից օգտվող շենքեր և գալիս հանգում ենք այն եզրակացության, որ դիմակ չկրելու երևույթը համատարած է: Այս մասին պարետատան նիստից հետո ճեպազրույցի ընթացքում ասաց ՀՀ Առողջապահության նախարար Արսեն Թորոսյանը: 

«Այո, մենք կարող ենք կենտրոնական փողոցներում, նույնիսկ մարզային կենտրոնական փողոցներում հանդիպել դիմակով մարդկանց, սակայն քիչ հանդիպել մարդկանց բակերում՝ հարևանների հետ զրուցելիս, առանց դիմակով: Պատահական չէ, որ երկու օր առաջ սկսեցի հրապարակել հասցեներ՝ մարդիկ իմանան, որ հենց իրենց փողոցում եղել են վարակման դեպքեր, և  նրանք կարող են կանխարգելել այն՝ դիմակ կրելով»,-ասաց նախարարը:

Թորոսյանն անդրադառնալով ինքնաշեն դիմակներին, մեջբերեց  ԱՀԿ-ի  հրապարակումը, համաձայն որի՝  խորհուրդ է տրվում առնվազն ռիսկի խմբում գտնվող հիվանդներին կրել բժշկական դիմակներ, քանի որ դրանք ավելի արդյունավետ են: 

Նախարարը տեղեկացրեց, որՀայաստանում դիմակների գները սրընթաց անկում եմ ապրում: Այսինքն՝ կլինեն տասնյակ դրամների շրջանակում:

Արսեն որոսյանը նաև վատ լուր հայտնեց .«Ունենք մահացության միջին տարիքի աստիճանական անկում, ինչը նշանակում է, որ ավելի երիտասարդ տարիքի քաղաքացիները պետք է անհանգստացած լինեն դիմակների կրմամբ՝ հենց իրենց համար»: