Ձեր վստահելի աղբյուրը

ՀՀ գլխավոր դատախազ Արթուր Դավթյանը՝ ներկայացնելով իր միջնորդության հիմնավորումները, հայտարարեց, որ նախաքննությամբ ձեռք են բերվել բավարար ապացույցների համակցություն, որով հիմնավորվում է, որ Գագիկ Ծառուկյանը, համարվելով «Ծառուկյան» կուսակցություններկ դաշինքի ղեկավար և դրա կազմում ընդգրկված «Բարգավաճ Հայաստան» կուսակցության նախագահ  2017 թվականի ընտրություններին, իր ղեկավարած կուսակցությունների դաշինքի և ընտրական ցուցակներում ընդգրկվածների օգտին քվեարկելու համար ընտրողներին կաշառք տալու նպատակով, ընտրություններին նախորդող ժամանակահատվածում ստեղծել և ղեկավարել է կազմակերպված խումբ, որի մեջ ընդգրկել են դաշինքի և իր կուսակցության կենտրոնական և տարածքային ստորաբաժանումների աշխատակիցները:

Ըստ դատախազի հիմնավորման, Գագիկ Ծառուկյանին վերագրվում են մարդու և քաղաքացու սահմանադրական իրավունքների և ազատությունների դեմ կազմակերպված հանցագործության կատարում, որի համար գործող քրեկան օրենսդրությամբ որպես պատիժ սահմանված է մինչև 5 տարի ժամկետով ազատազրկում:

«Գագիկ Ծառուկյանին մեղսագրվող հանցագործության բնույթն՝ այն է իր կողմից ստեղծված և ղեկավարված խմբի կազմում ԱԺ ընտրություններին մասնակցած կուսակցությունների դաշինքի և նրա կողմից առաջադրված թկնածուների օգտին քվերակելու համար ընտրողներին ընտրակաշառք տալը, բազմաթիվ անձանց ներգրավվածությունը, առերևույթ բազմաթիվ անձանց մասնակցությունը վկայում են դրա հանրային վտանգավորության բարձր աստիճանի մասին»,-ԱԺ-ում հայտարարեց Հայաստանի գլխավոր դատախազը:

Ըստ Դավթյանի, Գագիկ Ծառուկյանի հավանական վարքագծի կանխատեսման առումով առանձնակի դեր ունի այն հանգամանքը, որ ընտրակաշառքի բաժանման վերը նշված հանցավոր սխեմաներում ընդգրկված են նրա՝ որպես կուսակցության և խմբակցության ղեկավարից անձնական և նյութական կախվածության մեջ գտնվող բազմաթիվ անձինք: Արթուր Դավթյանի համոզմամբ, ազտության մեջ մնալով Գագիկ Ծառուկյանը, օգտագործելով իր նաձնական կապերը և ֆինանսական ռեսուրսները՝ հանցագործությունների կատարմանը ենթադրաբար ներգրավված անձանց նկատմամբ ունեցած հեղինակությունը և ազդեցությունը, իր տրամադրության տակ առկա ֆինանսական առկա ռեսուրսները, կխոչընդոտի գործի քննությանը՝ նշված անձանց նկատմամբ անօրինական ներգործություն ունենալու ճանապարհով:

Գլխավոր դատախազի խոսքով, հավանականությունը բարձր է, որ ազատության մեջ գտնվելու դեպքում ԲՀԿ ղեկավարը կարող է խոչընդոտել գործի քննությանը՝ գործի համար կարևոր նշանակություն ունեցող նյութեր թաքցնելու կամ կեղծելու միջոցով:

Հաշվի առնելով այն հանգամանքը, որ դեռևս առկա է Գ. Ծառուկյանի փաստացի ղեկավարման ներքո գտնվող կուսակցական կառույցներից, վերջինից ֆինանսական և անձնական կախվածության մեջ գտնվող այլ անձանցից, նրան մեղսագրվող արարքների վերաբերյալ բազմաթիվ փաստաթղթեր ձեռք բերելու անհրաժեշտություն, ըստ գլխավոր դատախազի, վերջինիս կազմակերպմամբ կամ ուղղորդմամբ նշված փաստաթղթերի ձեռքբերմանը խոչընդոտելը կարող է խիստ իրական լինել:

«Գագիկ Ծառուկայնը ունի բավականին հեղինակություն վերջինիս վերագրվող հանցագործությանը ենթադրաբար մասնակցություն ունեցած, ինչպես կուսակցության անդամների, համակիրների, այնպես էլ 2018 թվականի ԱԺ ընտրությունների գործընթացում  ներգրավված և կուսակցության օգտին գործունեություն ծավալած անձանց շրջանում, ինչն էապես բարձացնում է քրեական դատավարությանը մասնակցող անձանց վրա անօրինական ազդեցություն գործադրելու, գործի համար նշանակություն ունեցող նյութերը թաքցնելու կամ կեղծելու միջոցով գործի քննությանը խոչընդոտելու հավանակնությունը»,- հայտարարեց ՀՀ գլխավոր դատախազը:

Արթուր Դավթյանի բերած հիմնավորմամբ, Գագիկ Ծառուկյանի կողմից անօրինական ազդեցություն գործադրելու, միջդատական վարույթում գործի քննությանը խոչընդոտելու հավանականությունը մեծանում է նաև նրա զգալի ֆինանսական կարողության՝ գոՐծի քննության վրա զգալի բացասական ազդեցության ռիսկով:

Հաշվի առնելով, որ Գագիկ Ծառուկյանին վերագրվում է խմբի կողմից հանցանք կատարելու, հանցագործությանը մասնակցություն ունցած անձանց վրա անօրինական ազդեցություն գործադրելու, ինչպես նաև գործի քննությանը խոչընդոտելու հավանականությունը, ինչպես նաև քննվող գործի բարդությունը, դրան բազմաթիվ անձանց ներգրավվածների, մեղավորների ինքնությունը՝ այս պահին դեռևս քննությանն անհայտ լինելու հանգամանքը՝ ՀՀ գլխավոր դատախազը հայտարարեց. «Ղեկավարվելով ՀՀ Սահմանադրության 96-րդ հոդվածով, «ԱԺ կանոնակարգ» սահմանադրական օրենքի 108-րդ հոդվածով, ՀՀ Քրեական դատավարության օրենսգրքի 53-րդ հոդվածի 2 մասի 11-րդ կետով՝ միջնորդում եմ համաձայնություն տալ ՀՀ ԱԺ պատգամավոր Գագիկ Կոլյայի Ծառուկյանին ազատությունից զրկելու, նրա նկատմամբ կալանավորումը որպես խափանման միջոց կիրառել»: