Ձեր վստահելի աղբյուրը

ԱԺ պատգամավոր Արսեն Ջուլֆալակյանը, պատասխանելով լրագրողների հարցերին շեշտեց, որ չէր ուզի որ քննության ընթացքում կալանք կիրառվեր Գագիկ Ծառուկյանի նկատմամբ:

«Իմ համար բացարձակ հաճելի պրոցես չէ, և չէի ցանկանա, որ որևէ մեկը հայտնվի, թե Գագիկ Ծառուկյանի, թե իմ կարգավիճակում, որ նման ընտրություն կատարի»,- նկատեց պատգամավորը և հավելեց, որ առաջնայինն արդարության հաստատումն է:

Մարզիկ-պատգամավորն հայտնեց, որ Գագիկ Ծառուկյանին անձեռնմխելիությունից զրկելու դատախազի միջնորդությանը նայում է ոչ թե որպես մարզիկ, այլ որպես օրենսդիրի պատգամավոր և հաշվի առնելով հարցի բարոյական կողմը՝ իր մոտ ցանկություն չի առաջացել ներգրավվել այդ գործընթացի մեջ:

Հաշվի առնելով շուրջ 15 տարվա սպորտի բնագավառում ունեցած հարաբերությունները Գագիկ Ծառուկյանի հետ՝ Ջուլֆալակյանը հայտնեց, որ կարող է խոսել իրավական մասից, բայց այնքանով, որքան գլխավոր դատախազն է ներկայացրել, քանի որ իրավաբան չէ:

Արսեն Ջուլֆալակյանը հայտնեց, որ մարզաշխարհի ներկայացուցիչներից ում հետ հանդիպել և լսել է կարծիքները՝ բոլորը աջակցում են Գագիկ Ծառուկյանին, որպես ՀԱՕԿ նախագահ:

Հարցին, թե դժվարությամբ է գնացել քվերակության՝ պատգամավորը նկատեց, որ գլխավոր դատախազին քննություն սկսելու թույլտվության առումով բարդ չի եղել.«Ելնելով այն սկզբունքից, որ արդարադատությունը բոլորի համար է և եթե պարոն Ծառուկյանը և ցանկացած բոլորս նաև եթե այսպիսի պրոբլեմ ունենա, ապա իմ ցանկությունն է, որ այդ ամբողջ քննությունը լինի հանրային, հրապարակային օբյեկտիվ և հանրության մոտ վերջնական փարատվեն կասկածները: Եթե արդար է, ապա արդարացվեն, եթե ոչ, ապա կարծում եմ, բացառություն չենք կարող անել, արդարությունը ընտրովի չեն անում»: