Ձեր վստահելի աղբյուրը

ԲՀԿ առաջնորդ Գագիկ Ծառուկյանին աջակցություն հայտնելու համար ԱԱԾ շենքի դիմաց հավաքված քաղաքացիներին  ոստիկանության կողմից ցրելու ընթացքում տուժել են ակցիան լուսաբանող, իրենց մանագիտական պարտքը կատարող լրագրողները։

«Թերթ. Էյ.էմ»-ից Անի Գևորգյանն ուղիղ եթերում հայտարարեց, որ անձամբ իրեն հարվածել են։Ոտքի հատվածում թեթև վնասվածք է ստացել news.am-ի թղթակիցը։

Մարգարիտա Դավթյանն էլ ընդգծեց, ցույց է տվել իր բեյջը, հայտարարել է, որ լրագրող է, շնչահեղձ է լինում,  մինչդեռ իրեն հրել են ու գետին գցել։

Լրագրողները հայտարարեցին, որ իրենք հարցազրույց էին անում ու ժամանակ չեն ունեցել տարածքից հեռանալու համար։

Ըստ նախնական տեղեկությունների, վնասվել է նաև ԶԼՄ-ների ներկայացուցիչների տեխնիկան, կորել է Para TV-ի ուղիղ եթե ապահովող սարքը կորել է։

Ոստիկանության հասարակայնության հետ կապերի և լրատվության վարչությունից Panorama.am-ին հայտնեցին, որ տեսանյութերը կուսումնասիրեն, պարզաբանմամբ հանդես կգան։