Ձեր վստահելի աղբյուրը

«Մենք գտնվում ենք մեր Հայաստանի քաղաքական կյանքի եզրագծի վրա, երբ որ դուք տարաք նրան, որ բոլոր մյուս ուժերը ստիպված մոբիլիզացվելու են իրնեց քաղքական զինանոցում գտնվող բոլոր գործիքներով»,-Գագիկ Ծառուկյանին անձեռնմխելիությունցի զրկելու հարցի քննարկման ժամանակ խորհրդարանում հայտարարաեց «Բարգավաճ Հայաստան» խմբակցության պատգամավոր Միքայել Մելքումյանը:

Պատգամավորը նկատեց, որի իր քաղաքական գործունեության մեջ հիշում է երեք նման դեպք՝ 1996 թվականի սեպտեմբերը,  2015 թվականի հայտնի փետրվարյան դեպքերը և  այդ պահին ԱԺ-ում կատարվողը: Միքայել Մելքումյանը նկատեց, որ 96 թվկանի հայտնի դեպքերից հետո 1998 թվականին Լևոն Տեր-Պետրոսյանի կառավարությունը հրաժարական տվեց, իսկ 2015 թվականի փետրվարյան դեպքերից հետո նախորդ իշխանությունները հրաժարականներ տվեցին:

Պատգամավորի խոսքով, այն ժամանակ, երբ Գագիկ Ծառուկյանը հայտարարեց, որ կառավարությունը պետք է հրաժարական տա, նույն օրը փոխանակ քաղաքական պայքար ընթանա անցան հաշվեհարդարների և շանտաժների՝ ասելով որ պատերազմական վիճակ է:

«Այսինքն, եթե պատերազմական վիճակում սթափ գնահատականներ են տրվում, որ պարտությունը պարտության ետևից գնում է, ինչ պետք է անենք... այսինքն, որպես ընդդիմադիր ուժ չպե՞տք է գայինք ասենք՝ եղբայր, այս ի՞նչ է կատարվում»,-նկատեց Միքայել Մելքումյանը։

Պատգամավորի կարծիքով, վարչապետն ինչքան խորհրդակցում է՝ վիճակը վատանում է, իսկ դա  կառավարման ձև չէ, և նկատեց որ իշխող ուժը երբև չի ասել, որ սխալներ են գործել, բայց նաև չկա մի նախարար, որը լավ աշխատի:

«Երբ որ Ասեն Թորոսյանը ներողություն խնդրեց, հիմա այդ մահերը որ կան, ինչ է հետևում սրանից, այն ուղղակի բարոյական ներողություն է, թե ինչ որ մի բան պետք է հետևի դրան, այն դեպքում, երբ ամբողջ աշխարհում մարդիկ դատի են տալիս մահերի համար»,-հայտարարեց «Բարգավաճ Հայաստան» խմբակցության պատգամավորը:

Միքայել Մելքումյանը գտնում է, որ այն, ինչ իրավական ուժով արվում է՝ տանում է քաղաքական ոչնչացման ճանապարհ՝ ամենմեծ ընդդիմադիր ուժի ղեկավարին հանելով շարքից:

Նկատելով, որ գլխավոր դատախազից չի ստացել հարցի պատասխանը, թե Գագիկ Ծառուկյանից որևէ մեկը կաշառք ստացել է թե ոչ, պատգամավորը հայտարարեց, որ բոլորը գիտեն, որ նախընտրական գործընթացում գումարներ են ծախսվում  և ո՞վ է ասել, որ Գ. Ծառուկյանից ստացել է գումար՝ որպես ընտրակաշառք:

Ըստ պատգամավորի, չի ստացվի այնպես, որ երկիրը տանեն բռնապետական համակարգի, քանի որ Հայաստանը կղզիացած երկիր չէ , կան միջազգային կառույցներ և այլ ուժեր:

Մելքումյանի խոսքով, այս գործընթացը Փաստում է, որ իշխող ուժը քաղաքական պայքար չի տանում, այլ գործիքն օգտագործում է քաղաքական նպատակների համար ինչը 90-ական թվականներին կոչվում էր ոստիկանապետություն:

Մենք մեծ մեքենայի մեջ ենք բոլորս և չենք կարող հանդուրժել, որ այն գլորվի ձորը, մեքենան արգելակներ չունի և այս քաղաքակն հետապնդումը ցույց է տալիս որ քաղաքական իշխանության արգելակները չեն աշխատում»,- հայտարարեց Միքայել Մելքումյանը և նշեց, որ իրենք ընդամենը ասել են՝ կանգնեք, ո՞ւր եք գնում: