Ձեր վստահելի աղբյուրը

Հունիսի 24-ին Կարմիր հրապարակում Հաղթանակի օրվա շքերթին մասնակցելու համար Ռուսաստան են ժամանել 12 երկրների զինվորականներ: Այդ մասին, Ria-ի հաղորդմամբ, «Կրասնայա Զվեզդա» թերթին տված հարցազրույցում ասել է բանակի գեներալ Օլեգ Սալյուկովը, որը ղեկավարելու է հանդիսավոր շքերթը:

Խոսքը գնում է Հայաստանի, Ադրբեջանի, Բելառուսի, Ղազախստանի, Ղրղզստանի, Չինաստանի, Մոլդովայի, Մոնղոլիայի, Սերբիայի, Տաջիկստանի, Թուրքմենստանի և Ուզբեկստանի պատվիրակությունների մասին:

Նշենք, որ ՌԴ նախագահ Վլադիմիր Պուտինը նախկինում որոշել էր հետաձգել մայիսի 9-ին նախատեսված Հաղթանակի 75-ամյակին նվիրված շքերթը՝ համաճարակաբանական ծանր իրավիճակի պատճառով: Մայիսի 9-ին Ռուսաստանի քաղաքներում տեղի ունեցան օդային շքերթներ և տոնական հրավառություն: Մայիսի վերջին Պուտինը հայտնեց, որ շքերթ տեղի կունենա հունիսի 24-ին:

Շքերթին կմասնակցեն ավելի քան 13 հազար զինված ուժեր, կներգրավվեն 234 միավոր ժամանակակից և պատմական ցամաքային ռազմական տեխնիկա, ներառյալ վերջին «Терминатор» տանկային մարտական մեքենաներ, ՀՕՊ հրթիռային համակարգեր, ինչպես նաև 75 ինքնաթիռ և ուղղաթիռ:

Տոնական նվագախումբը կներկայացնեն 900 երաժիշտներ:

Ընդհանուր առմամբ, ողջ Ռուսաստանով շքերթներին կմասնակցեն ավելի քան 64 հազար զինվորականներ։