Ձեր վստահելի աղբյուրը

Կառավարությունը նոր բան է պարտադրել քաղաքացիներին՝ բացի դիմակ կրելուց, իրենց մոտ պետք է ունենան անձը հաստատող փաստաթուղթ։ Մեկն ունենա, մյուսը չէ՝ կտուգանվի 10 հազար դրամ, երկուսը չունենալու դեպքում կտուգանվի երկու անգամ։

Վարչապետ Նիկոլ Փաշինյանի երեկվա այդ հայտարարությունից հետո ֆեյսբուքյան օգտատերերը  գրառումներ են անում, թե էլ ինչ կարող է առաջիկայում «պարտադիր լինել»։ Ակնկալենք, ինչպես հիմնական դեպքերում պաշոնյաները անտեսում են քաղաքացիների առաջարկները, խնդրանքները, պահանջները, նաև այս դեպքում «չեն լսի», այլապես...

«Հաջորդ որոշմամբ տանից դուրս գալուց բոլոր քաղաքացիները պետք ա ունենան կորոնավիրուսի թեստի արդյունքներ։ Իսկ էն մյուս որոշմամբ թոքերի ԿՏ-ն։ Հակառակ դեպքում կտուգանվեն»։

«Վաղվանից ոստիկանները ստուգելու են նաև եղունգները կտրած լինելը, և քաղաքացիների գլխներին ոջիլի առկայությունը.
կրծած եղունգների համար 5000 դր
չկտրածի համար - 10.000
ոջիլի հատիկը - 5000
անիծինը՝ 2500»։

«ՀՀ պարետատունը զգուշացնում է, որ անձնագրում առանց դիմակի լուսանկար ունենալու դեպքում, քաղաքացին ևս տուգանվելու է 10 000 դրամով»։

«Անպայման չի անձնագրային և վիզաների վարչության կողմից տրված լինի, կարող են տանը տպված լինել»։

«Կներեք, մի բան հարցնեմ էլի. անձնագիրն էլ պետք ա 3 ժամը մեկ փոխվի»։

«Անդիմակ, թե դիմակով՝ դուք պոտենցիալ հանցագործ եք, «կրեք անձնագիր ևս»»։

«Զբոսանքի գնալուց դիմակից բացի նաև անձնագիր վերցրեք։
Ինչի՞, որ ձեզ լավ տուգանեն
Իսկ եթե տուգանելու հարկ չկա՞...շատ ուզեն, մի բան կգտնեն»։

«Սիրելի հայրենակիցներ, երբ ձեզ տուգանում են տասը հազար, ապա մի զլացեք՝ մուծեք հարյուր հազար։ Նպաստեք կորոնավիրուսի դեմ պայքարին»։

«Զոմբի-լենդ, Հայաստան համակենտրոնացման ճամբար»։

«Իսկ կարո՞ղ են հպարտ քաղաքացու անձնագրով դուրս գան՝ թագավորի հալալ ձեռքով բաժանված»։