Ձեր վստահելի աղբյուրը

ԱԺ պատգամավոր Արկադի Խաչատրյան ԱԺ-կառավարություն հարց ու պատասխանի ժամանակ հարց բարձրացրեց վերջերս տեղի ունեցած բարձրաստիճան պաշտոնանկությունների մասին և հետաքրքրվեց, թե որքանով է կադրային նշանակումների ու պաշտոնանկությունների որոշումներն իրականացվում թափանցիկ:

Ի պատասխան ՀՀ վարչապետ Նիկոլ Փաշինյանն ասաց.

«Ֆենոմենալ երևույթներ կան, դրանից ամենաֆենոմենալն այն է, որ որքան թափանցիկ ենք, այդքան ասում են՝ ինչի թափանցի՞կ եք, օրինակ կորոնավիրուսի վերաբերյալ: Ես այդ հարցին պատասխանել եմ, այս իրադարձությունից հետո հաջորդ օրը տեղի ունեցած բրիֆինգի ընթացքում: Պատասխանել եմ, որ պաշտոնանկությունները կապված են բարձրաստիճան պաշտոնյաների կողմից  հակահամաճարակային կանոնները չպահպանելու հետ: Սրանից թափանցիկ ի՞նչ եք ուզում: Սրանից հետո մնում է ուղիղ եթերում աշխատեմ ամբողջ օրը»,- արձագանքեց վարչապետը:

ժողովուրդը բոլոր «ղազագրի» վրա հիմնված անձանց և ուժերի վզներից բռնելու է և ԱԺ դահլիճից ընդհանրապես դուրս է շպրտելու

«Հարգելի վարչապետ. բա չե՞ք իմացել, որ թոփ թեն օֆ դը մինիստրս պաշտպանության նախարարը ինձ ու ձեզ դատի է տվել»,- խորհրդարանում վարչապետին հարց ուղղեց անկախ պատգամավոր Տիգրան Ուրիխանյանը:

Դահլիճում նստած Նիկոլ Փաշինյանը վրդովված արձագանքեց տեղից, որին ի պատասխան Ուրիխանյանը հորդորեց, որ թույլ տա ավարտել իր խոսքը, հետո նոր պատասխանի:

Պատգամավորը հայտնեց, որ «1.9 միլիարդի պարտավորությունները չեն կատարվել» արտահայտության համար պաշտպանության նախարարությունից հայցադիմում է ստացել և այդ հայցադիմումով պահանջվում է հերքել այդ և մի շարք այլ արտահայտությունները, այն դեպքում, երբ այդ արտահայտությունը կարդացել է վարչապետի կողմից իրեն փոխանցված գրության մեջ:

Պատգամավորը հետաքրքրվեց, թե արդյոք վարչապետը տեղյակ է այդ մասին:

Արդարադատության նախարար Ռուստամ Բադասյանը չարձագանքեց Ուրիխանյանի հարցի երկրորդ մասին, այլ անդրադարձավ առաջին հարցին և շեշտեց, որ չի կարող տիրապետել բոլոր կատարողականների բովանդակությանը:

Իր հարցի առաջին մասով Տիգրան Ուրիխանյանը հայտնում էր, որ դատական երեկ ատյաններում հաղթելով պետական կառույցին ԴԱՀԿ կատարողական թերթիկ է ընդունվել, որով ՊՆ-ին պարտավորեցնում է պահեստազորի մայոր Ցոլակ Խաչատրյանին վճարել չվճարված արձակուրդների դիմաց, բայց մինչև օրս այն չի արվել:

«Միշտ մտածել եմ, որ ձեր իշխանության օրոք և պայմաններում չի կարող լինել մի իրավիճակ, երբ որևէ պետական կառույցի պարտավորություն քաղաքացու նկատմամբ չիրականացվի»,- հայտարարեց Տիգրան Ուրիխանյանը՝ դիմելով վարչապետ Նիկոլ Փաշինյանին:

Մի քանի ելույթից հետո վարչապետ Նիկոլ Փաշինյանն արձագանքեց Տիգրան Ուրիխանյանի հայտարարությանը. «Այս դահլիճում դեռևս կան մարդիկ, ովքեր երրորդ երկրների չորրորդ կարգի պաշտոնյաների հետ վերաբերվում են որպես ղեկավարի, իսկ ժողովրդի վստահության քվեով ձևավորված կառավարության կամ նրա անդամի մասին կարող են խոսել հեգնանքով: Ընդորում, դրանք այնպիսի մարդիկ են, ում քաղաքական կարիերան, ինչպես օրերս պարզվեց, հիմնված է մի իրողության վրա, որը լայն ժողովրդական շրջանակներում անվանում են «ղազագիր»»,- հայտարարեց վարչապետը:

Ըստ Նիկոլ Փաշինյանի, այդ մարդիկ սովոր են հարգալից վերաբերվել այն պարագաներում, երբ որ հարգալից չլինելը իրենց համար կարող է կոնկրետ ֆիզիկական սպառնալիք առաջացնել:
Անընդունելի համարելով նման երևույթը՝ Հայաստանի վարչապետը համոզմունք հայտնեց, որ հայ ժողովուրդը բոլոր «ղազագրի» վրա հիմնված անձանց և ուժերի վզներից բռնելու է և այդ դահլիճից ընդհանրապես դուրս է շպրտելու: