Ձեր վստահելի աղբյուրը

Եվրոպայի խորհրդի համար Լոզանի համալսարանի SPACE II նոր հետազոտության համաձայն՝ առանց ազատությունից զրկելու պատժամիջոցները Եվրոպայում ավելի ու ավելի շատ են կիրառվում։ Եվրոպայի 20 բանտային վարչակազմերը ազատ են արձակել 118,000 բանտարկյալի՝  COVID-19-ի համաճարակը կանխելու համար, արգելափակման առաջին ամսվա ընթացքում: Այս մասին հայտնում է Եվրոպայի խորհուրդը։

Նշվում է, որ 2019 թվականի հունվարի 31-ին Եվրոպայում եղել է շուրջ 2 միլիոն մարդ, որոնք ենթակա էին բանտարկության այլընտրանքների, ինչպիսիք են էլեկտրոնային մոնիտորինգը, համայնքային ծառայությունը, տնային կալանքը, բուժումները, պայմանական ազատազրկումը:

2018-ից մինչև 2019 թվականը պրոբացիայի ծառայությունն աճել է 7,9%-ով՝ 1,547,572-ից դառնալով 1,699,676 մարդ՝ 28 պրոբացիոն գործակալություններում, որոնք տրամադրել են այս տվյալները երկու տարիների ընթացքում։

Զեկույցում նշվում է, որ Հայաստանն այն երկրների շարքում է, որ փորձաշրջան անձանց, ինչպես նաև պրոբացիայի բնակչության թիվն աճել է 2018 թվականի հունվարի 31-ից մինչև 2019 թվականի հունվարի 31-ը՝ 19.3%-ով՝ 5,234-ից 6,242։

Համաճարակի ժամանակներում Եվրոպայում բանտարկյալները «SPACE I» զեկույցում ասվում է, որ Հայաստանը 20 բանտային վարչակազմերի շարքում է, որոնք բանտարկյալներին ազատ են արձակել՝ COVID-19-ի հետ կապված միջոցառումների շրջանակներում: Հայաստանը ազատ է արձակել 36 բանտարկյալի, որը կազմում է բանտերի ընդհանուր բնակչության 1.6%-ը:

Այս զեկույցը ներառում է COVID-19 համաճարակի կարճաժամկետ ազդեցության գնահատումը եվրոպական բանտային բնակչության վրա մինչև 2020 թվականի ապրիլի 15-ը, մի ժամանակահատված, որը մոտավորապես համընկնում է արգելափակման առաջին ամսվա հետ:

43 բանտային վարչակազմերից 20-ը հայտնել են, որ ազատ են արձակել բանտարկյալներին` կանխելու COVID-19-ի տարածումը, կիրառելով տարբեր միջոցներ, ինչպիսիք են համաներումները, վաղաժամկետ և ժամանակավոր ազատ արձակումները և ազատությունից զրկելու այլ այլընտրանքները: Միջին հաշվով, այդ 43 վարչակազմերը ազատ են արձակել բանտերի բնակչության 5%-ին (ավելի քան 118,000 բանտարկյալ):