Ձեր վստահելի աղբյուրը

Երևանի ընդհանուր իրավասության դատարանի Շենգավիթի նստավայրից քիչ առաջ դուրս եկավ ԱԺ նախկին պատգամավոր Աբրահամ Մանուկյանը, ում  մեղադրանք է առաջադրվել ՝ ընտրակաշառք տալուն օժանդակելու համար:

Նա լրագրողներին որևէ մեկնաբանություն չտվեց, փոխարենը  պաշտպանական խմբից հայտնեցին.
«Կալանավորման միջնորդությունն է քննարկվել: Այն  մեծածավալ լինելու պատճառով նիստը հետաձգվել է  վաղը, ժամը՝ 17,00-ին: Աբրահամ Մանուկյանը մեղադրանքը չի ընդունում: Խուզարկություններ եղել են, և գործի հետ կապված որևէ ապացույց դեռ չկա»:

Նրա խոսքով ՝ որևէ  փաստ չկա, որ Մանուկյանը որևէ գումար է ստացել, կամ  Ծառուկյանը  նրան  գումար է տվել:

Աբրահամ Մանուկյանի պաշտպանի խոսքով՝ գործի հիմքում կան ցուցմունքներ, սակայն դրանք հակասական են: 

Նա նաև տեղեկացրեց, որ Մանուկյանն առողջական խնդիրներ ունի, սրտին սարք  է դրված:
Նշենք, որ ԱԺ նախկին պատգամավոր Աբրահամ Մանուկյանին այսօր  մեղադրանք է առաջադրվել ԱԱԾ քննչական դեպարտամենտում քննվող քրեական գործի շրջանակներում։ Մանուկյանին մեղադրանք է առաջադրվել ՀՀ քրեական օրենսգրքի 38-154.2-րդ հոդվածի 2-րդ մասի հատկանիշներով՝ ընտրակաշառք տալուն օժանդակելու համար։