Գագիկ Ծառուկյանի պաշտպան. Նիստից հետո աղաղակող փաստեր կներկայացնեմ
ԲՀԿ առաջնորդ Գագիկ Ծառուկյանի պաշտպաններից Երեմ Սարգսյանն ասաց, որ դատարանին ինքնաբացարկի միջնորդություն են ներկայացրել, դատարանը հեռացել է խորհրդակացական սենյակ, երկու-երեք ժամից որոշումը կհրապարակեն։
«Մենք գտնում ենք, որ ընդհանրապես միջդատական վարույթների հետ կապված մակագրությունների կարգը, այսինքն՝ դատարանի նախագահն ընտրում է իր ցանկությամբ որևէ դատավորի և մակագրություն է իրականացնում, ի սկզբանե արդեն խախտում է արդար դատաքննության իրավունքը։ Դատավորի ընտրության սկզբունքը պատահականության սկզբունքով պետք է լինի։ Չի կարող լինել պետությունը, դատարանի նախագահը որոշի իր նախընտրակած դատավորին»,- ասաց փաստաբանը։
Նա նշեց, որ դատավորի մասով կոնկրետ այս պահին խնդիր չեն բարձրացնում, բարձրացնում են Շենգավիթ նստավայրի հետ կապված, որովհետև Շենգավիթ նստավայրում, բացառությամբ երկու-երեք դատավորի, միշտ խնդիր է լինում. «Բազմաթիվ փաստաբաններ պարբերաբար ահազանգում են, որ, օրինակ, վարույթ իրականացնող մարմինները ձգտում են իրենց համար խիստ կարևոր գործերով կալանավորման միջնորդությունները ներկայացնել այնպիսի ժամկետներում, երբ Երևանում հերթապահություն է իրականացնում Շենգավիթի նստավայրը, երկրորդը՝ Կենտրոնի նստավայրը, դրանցից հետո նոր Ավանի նստավայրում։ Այսինքն՝ կան որոշակի դատավորներ, որոնք կարծես թե դատարանի նախագահը նախընտրում է մակագրություններ անի։ Ամբողջ խնդիրն այն է, որ պետք է համակարգչով լինի, այսինքն՝ ծրագիր է լինում, որը պատահականության սկզբունքով պետք է ընտրի։ Այդ ծրագիրը պետությունը ոչ մի կերպ չի ներդնում։ Կարծում եմ՝ հենց այս խնդիրն է, որպեսզի կարողանան ում ցանկանում են, որ գործը ցանկանում են մակագրեն»։ Ե. Սարգսյանն ասաց, որ նաև ողջամիտ ժամկետ են ուզել դատարանից՝ ծավալուն գործին լիարժեք ծանոթանալու համար։
«Երեկ երեք օր ուզեցինք, 19 ժամ տվեցին, որից 9 ժամը գիշերային ժամանակ էր։ Պետք էր ծանոթանալ ողջ նյութերին, գրավոր առարկություններ, ապացույցներ պատրաստեինք»,- ասաց փաստաբանը։
Նա նշեց, որ բուն կալանքի քննությանը դեռ չենք հասել։
Երեմ Սարգսյանն ընդգծեց, որ նիստից հետո աղաղակող փաստեր կներկայացնի։
«Առարկայական այնպիսի համադրություն կկատարեմ, որ կտեսնեք՝ ամեն ինչ մանրակրկիտ ծրագրված է եղել շատ ավելի վաղուց։ Գագիկ Ծառուկյանի՝ կառավարության կազմի փոփոխության վերաբերյալ հայտարարությունից հետո ժամ առ ժամ, օր առ օր թեման զարգացվել է, բոլոր ինչ-որ քաղաքական ուժերի, պետական մարմինների մասնակցությամբ, ակնհայտ համաձայնեցված կարգով հասցրել են այս կուլմինացիային։ Ապացույցները, ըստ էության, որ ասում են կան՝ դեռևս փետրվարից առկա են եղել։ Որևէ մեկը օբյեկտիվորեն չի գնահատել որպես հանցագործության համար բավարար ապացույց, որովհետև այդպիսն չեն հանդիսանում։ Բայց հանկարծ չորս ամիս հետո նույն ապացույցը պարզվեց, որ հանդիսանում է քրեական գործ հարուցելու, մեղադրանք առաջադրելու համար բավարար ապացույց»,- ասաց Երեմ Սարգսյանը։
Հիշեցնենք, որ Երևանի ընդհանուր իրավասության Շենգավիթի դատարանը քննում է ԲՀԿ առաջնորդ Գագիկ Ծառուկյանին կալանավորելու միջնորդությունը:
Հարակից հրապարակումներ`
- Գագիկ Ծառուկյան. Ձեռքս պուլսի վրա է
- Գագիկ Ծառուկյանը եկավ դատարան
- Գագիկ Ծառուկյանի կալանքի միջնորդության քննությունը հետաձգվեց
- Արթուր Վանեցյան. Եկել եմ դատարան՝ քաղաքական համերաշխություն հայտնելու Ծառուկյանին
- Գագիկ Ծառուկյանին կալանավորելու միջնորդությունը կքննի դատավոր Ռոբերտ Պապոյանը
- Գագիկ Ծառուկյանը դուրս եկավ ԱԱԾ շենքից
- ԱԺ փոխնախագահ. Նախնական տվյալներով քիչ անց պարոն Ծառուկյանը դուրս կգա ԱԱԾ-ից
- 87 պատգամավոր կողմ է քվեարկել Գագիկ Ծառուկյանի կալանավորմանը
- Տոնոյան. Նվեր Ծառուկյանն այլ գործի շրջանակներում հարցաքննության ծանուցում է ստացել
- Ըստ դատախազի՝ Ծառուկյանի զգալի ֆինանսական կարողությունը կարող է բացասաբար անդրադառնալ գործի քննության վրա
- Խնդիր չկա, եթե կրճատում են, թող մարդկանց աշխատանքով ապահովեն. Գագիկ Ծաուկյան
Լրահոս
Տեսանյութեր
Գիշեր-ցերեկ կաշխատենք, միայն առաջվա Հայաստանում ապրենք. Քաղաքացիները՝ աշխատաժամանակի կրճատման մասին
