Ձեր վստահելի աղբյուրը

Դատավոր Արման Հովհաննիսյանը ՀՀ Բարձրագույն դատական խորհրդի դիմաց էր՝ աջակցություն հայտնելու իր գործընկեր դատավոր Ալեքսանդր Ազարյանին։

«Ինձ հետաքրքիր է պրոցեսը,  ցանկանում եմ մասնակցել ԲԴԽ  նիստին, աջակցությում եմ հայտնում իմ ավագ ընկերոջը, լինել նրա կողքին»,- լրագրողներին ասաց դատավորը։

ՀՀ Բարձրագույն դատական խորհուրդն այսօր քննեց ՀՀ վերաքննիչ քրեական դատարանի դատավոր Ալեքսանդր Ազարյանի վերաբերյալ կարգապահական գործը։ Կարգապահական վարույթը հարուցվել է արդարադատության նախարար Ռուստամ Բադասյանի կողմից՝ ՀՔԾ պետ Սասուն Խաչատրյանի հաղորդման հիման վրա: Նիստն այսօր հետաձգվեց։

Լրագրողի հարցին, թե համացանցում հրապարակված է ձեր լուսանկարը՝ վրան գրված «Ձեռնքերը հեռու դատավոր Ազարյանից», ի՞նչ է դա նշանակում, արդյո՞ք ճնշումների չեք ենթարկվել դրանից հետո, դատավորն ասաց. «Որևէ ճնշումների չեմ ենթարկվել։ Փորձում եմ ցույց տալ, որ աջակցում եմ Ալեքսանդր Ազարյանին ու իր նման մյուս դատավորներին որևէ ձևով չփորձեն նման միջնորդություններով, այս կամ այն կերպ ազդել»։

Նա նշեց, որ ծանոթացել է միջնորդության հիմքերին, իր կարծիքն ունի  կարգապահական վարույթ հարուցելու հետ կապված, սակայն չի ուզում դրա մասին խոսել։

«Գնահատականներ տալու լիազորություններ չունեմ։ ԲԴԽ-ն հենց դրա համար է նիստ անում, իրենք կորոշեն»,- ասաց դատավար Ա. Հովհաննիսյանը։