Ձեր վստահելի աղբյուրը

«Մենք այսօր պատմական շանս ունենք՝ տեսնելու, թե որտեղ ենք ապրում, ինչ վիճակի է մեր երկիրը, ով է ղեկավարում մեր երկիրը, որովհետև Հայաստանում բոլորի դիմակները պատռված են»,- «Ստի վերջը» տեսաշարի 10-րդ մասում, որը վերնագրված է «Հայաստանն ադրբեջանականացնող շարքային շանտաժիստը. վերադարձ իրականություն», -ասաց Սուրբ Աթոռում Հայաստանի նախկին դեսպան Միքայել Մինասյանը։

Ըստ նրա, Հայաստանի ժողովուրդը եզակի շանս ունի տեսնելու, թե ով  ով է, իսկ այդ պրոցեսը, չնայած ցավոտ է, շատ պետքական է։

«Այսօր մենք բոլորով պատռել ենք Նիկոլ Փաշինյանի ու իր, այսպես կոչված, էլիտայի դիմակները։ Չեմ խոսում  այն դիմակների մասին, որոնք քարոզում է վարչապետը, որոնք, ըստ օդում կախված լուրերի, արտադրվում են մի գործարանում, որը, ըստ օդում կախված լուրերի, պատկանում է  հայտնի անձնավորությանը։ Ոչ։ Խոսում եմ այն քաղաքական դիմակների մասին, որոնք վարչապետն ու իր շրջապատը խաբելով ու խաղալով հայ ժողովրդի հույզերի ու հույսերի վրա, կրում են մինչև հիմա։

Բայց այդ դիմակի տակից արդեն տեսնում ենք, թե ովքեր են նրանք, կոնկրետ ով է Նիկոլ Փաշինյանը։ Շատ անկեղծ, չեմ ուզում վիրավել, բայց Նիկոլ Փաշինյանը նմանվել է փոքր, թույլ, կատաղած, հաչող ու լաչառ շանը, որն անընդմեջ հաչում է և կծում է այն բոլորին, ումից վախենում է, իսկ նա վախենում է  բոլորից։ Այդ մարդկանց քանակն օրեցօր շատանում է և իր կատաղի հաչոցը օրեցօր շատանում է»,- ասաց Մ. Մինասյանը։

Սուրբ Աթոռում ՀՀ նախկին դեսպանը նշեց, որ ամենաշատը Նիկոլ Փաշինյանը վախենում է պատասխանատվությունից և ապագայից. «Ապագայից նա վախում է, որովհետև հասկացել է, որ հայ ժողովուրդն իրեն չի ներելու այս վիճակը, անընդմեջ սուտը, անթաքույց թալանը, մահերը։ Մահերը, որոնք Նիկոլ Փաշինյանի պատճառով կան։ Նիկոլ Փաշինյանը մեր երկիրը վերածել է Ադրբեջանի։ Անկեղծ եմ ասում և չեմ վախենում այս բառերի պատասխանատվության համար։ Հայաստանը երբեք չի եղել արևելյան սուլթանատ։ Մեր բոլոր խնդիրներով, մեր ամեն ինչով, մենք միշտ եղել ենք եվրոպական  ցիվիլիզացիայի կրող ժողովուրդ ու երկիր։ Նիկոլ Փաշինյանը շատ արագ վերցրեց  ֆորմուլան, որով ղեկավարում է  Իլհամ Ալիևն ու կինը Ադրբեջանը և կիրառեց դա Հայաստանում»։ 

Նա օրինակի համար  նշեց, որ հայաստանցի  որևէ ղեկավար մինչև Նիկոլ Փաշինյանը,  թատրոնում չի բեմադրել իր գրքի հիման վրա պիես իր կենդանության օրոք, ինչը տեղի է ունենում Ադրբեջանում, Հայաստանի որևէ ղեկավարի արձան իր կենդանության  և իշխանության օրոք նախկինում չի դրվել Հայաստանում, որը տեղի է ունեցել Հայաստանում հիմա, ինչը տեղի է ունենում Ադրբեջանում, Հայաստանի որևէ ղեկավարի մասին պետական միջոցներով չի հրատարակվել գիրք, որի անունն է «Փրկիչը Իջևանից», մի բան, որը տեղի է ունենում Ադրբեջանում։

Ըստ նրա, երբեք Հայաստանի որևէ մի ղեկավարի տիկին չի ունեցել այնպիսի ազդեցություն, որն ունի Աննա Հակոբյանը։

«Աննա Հակոբյանինն ազդեցություն չէ։ Նա և Նիկոլ Փաշինյանը բաժանել  են Հայաստանի իշխանությունը և ֆինանսատնտեսական ռեսուրսները և երկուսով տիրում են։ Բան, որը տեղի է ունենում Ադրբեջանում, որովհետև Մեհրիբան Փաշաևան հավասար համասեփականատեր է Ադրբեջանի։

Մենք Հայաստանի քաղաքացիներ ենք, չենք կարող հանդուրժել  այս պրոցեսը, երբ Հայաստանը վերածվում է փաշաստանի, դա անընդունելի է։ Բոլոր մեր խնդիրներով, ամեն ինչով, մենք չենք կարող դառնալ ծիծաղի առարկա»,- ասաց Մ. Մինասյանը։

Նա նշեց, որ իշխող ընտանիքն անընդմեջ փորձում է վախեցնել, որ «մենք լեգտիմ ենք, չենք կարող լինել բռնապետ»․ «Աշխարհի պատմության մեջ չկան ընտրությունով եկած բռնապետեր, որոնք սկզբում չենք եղել լեգիտիմ։ Բոլորին բերել է ժողովուրդը չսիրո հիման վրա և բոլորին վռնդել է ատելությամբ, և  դուք՝ Հայաստանի այսօրվա իշխանություն, դրան շատ մոտ եք»։

Մ. Մինասյանի խոսքով, Հայաստանը քաղաքական հետապնդումներով դարձել է Նիկոլ Փաշինյանի և Աննա Հակոբյանի երազած երկիրը, որը երբեք չի եղել. «Հայ ժողովուրդը հպատակ է այդ ընտանիքին, մենք պարտավոր ենք երկրպագել այդ զույգին, եթե ուզում ենք ապրել սուլթանատում։ Եթե հայ ժողովուրդը չի ուզում ապրել սուլթանատում, ուրեմն՝ մենք պարտավոր ենք իրականության համար կռիվ տալ, հասկանալ, որ Հայաստանը չպետք է լինի մի ընտանիքի սեփականություն։ Իսկ դրա համար պետք է ուղղակի պայքարել հանուն Հայաստնաի Հանրապետության ու Հայաստանի քաղաքացիների։ Այդ զույգն իրենց  իշխանության առաջին օրվանից հայ ժողովրդին բաժանեց սպիտակների ու սևերի. ով չի ընդունում իրենց կրոնը՝ սև է, այդ սև մարդիկ հիմա մեծամասնություն են։ Այո, ավելի քան 90 տոկոս։ Այդ սև մարդիկ համախմբվում են, պարտավոր են թողնել անհամաձայնությունները, որոնք ունեցել են, դառնալով մի բռունցք կռվել հանուն իրենց ապագայի։ Հայաստանը պարտավոր է ունենալ լավ ապագա»։

Մ. Մինասյանը վատ լուր հայտնեց. ՌԴ-ում հարուցված են քրեական գործեր Կրասնոդար մաքսանենգ ծխախոտի ու Վորոնեժի պատմություններով։ Նա նաև ներկայացրեց փաստաթուղթ։ 
Մ. Մինասյանը նշեց, որ Հայաստանի ոստիկանությունը հերքում է նաև ՝  ՀՀ-ից արտահանված ադամանդի պատմությունը։

«Ժողովուրդ ջան, դուք ի՞նչն եք հերքում։ Հերքում եք մի բան, որ ես չեմ  ասել։ Ես չեմ ասել, որ դա անօրինական արտահանում է, ասել եմ՝ անօրինական ադամանդ է։ Հայաստանում  չկա 1400 ադամանդ տաշող, որոնք կարող էին 3 ամսում տաժել 20 միլիարդի ադամանդ և դուք դա չեք հերքում»,- ասաց նա։

Ինչ վերաբերում է զենքի միջազգային առևտրին, Մ.Մինասյանի խոսքով, որին զոհ գնաց գլխավոր շտաբի պետը, ՄԱԿ-ն, ըստ «Բլումբերգի» սկսել է մեծ  ուսումնասիրություն 2020 թ. հունվար-փետրվար ամիսների Միջին Արևելքից Ղազախստանի միջոցով Լիբիա զենք արտահանելու մեծ գործընթացի մասին։ Նա ասաց, որ «Բլումբերգի» ձեռքում հայտնվել է մեծ փաստաթուղթ։

«Ցավոք սրտի, դրա ձայնը կլսենք»,- ընդգծեց նա։

Մ. Մինասյանն անդրադարձավ նաև Գյումրիում ավտոմաքսատան շինարարությանը. «Պարզվեց, որ Գյումրիի մաքսատան վրա ծախսվել է ընդամենը 2 միլիարդ դրամ: Յուրաքանչյուր շինարարություն սկսվում է հաշվարկից և ճարտարապետական աշխատանքից: Ես նայեցի, թե ով է արել ճարտարապետական հաշվարկային աշխատանքները՝ «Ատրիում ԹԻՄ» ՍՊԸ-ն: Այս ՍՊԸ-ին Նիկոլ Փաշինյանը կառավարության որոշումով առանց տենդեր, ուղիղ գնման իրավունքով տալիս է իրավունք կազմակերպելու այդ բոլոր աշխատանքները: Դա արվում է, եթե չեմ սխալվում, օգոստոսի 8-ին: Այս կազմակերպությունը երբեք չի մասնակցել որևէ տենդերի, երբեք չի արել խոշոր պետական աշխատանք: Իսկ այս ընկերությունը լիցենզիա է ստանում պետական օրգաններից օգոստոսի 26-ին:Նիկոլ Փաշինյանը լիազորում է մի ընկերության, որը նույնիսկ լիցենզիա չունի: Այդ ՍՊԸ-ն, ըստ օդում կախված լուրերի, բարեկամական կապերով ուղիղ կապված է ՊԵԿ փոխնախագահ, Աննա Հակոբյանի մտերիմ ընկերուհի և դրածո Շուշաննա Ներսիսյանի հետ, նույն ինքը՝ Նակոլկա Շուշո:
Այս մարդիկ իրականում նույնիսկ մասշտաբի պրոբլեմ չունեն, գողանում է 4 միլիարդ երկաթը և 30 միլիոն նախագծային աշխատանքները: Ես թողնում եմ մեդիայի վրա մնացած աշխատանքը, ուսումնասիրեք, թե ոնց է ծախսվել մնացած 2 միլիարդը»:

Մ. Մինասյանի խոսքով, Նիկոլ Փաշինյանն ամեն ինչի հասել է շանտաժի միջոցով, նույնիսկ վարչապետ է ընտրվել շանտաժով. «Նիկոլ Փաշինանն ու Աննա Հակոբյանը շանտաժի միջոցով շարունակում են փող աշխատել, ուղղակի «Հայկական ժամանակի» հետ մեկտեղ օգտագործում են Հայաստանի ԱԱԾ-ն, ոստիկանությունը, դատախազությունը, ՊԵԿ-ը։  Բոլոր խոշոր բիզնեսմենները մուծվում են այդ զույգին, բա ի՞նչ եք մտածում, ոնց են կարողանում պահել այդ բանակը՝ ֆեյքերից մինչև իրենց կուսակցություն։

Նիկոլ   Փաշինյանն ու Աննա Հակոբյանը միշտ են փող աշխատել շանտաժի միջոցով, երբ «Հայկական ժամանակն» էր օգտագործում մարդկանց մասին հերհյուրանքներ չտպելու համար։ Բոլորից էին փող վերցնում»։

Մ. Մինասյանն ասաց, որ ինքն էլ է մեկ անգամ ենթարկվել շանտաժի, որպեսզի ընտանիքը թողնեն հանգիստ. «Պայմանավորվեցինք ամսական իրենց չվաճառված թերթերը սխեմայի միջոցով մենք կֆինանսավորենք։ Ես իմ կյանքում մեկ անգամ եմ ենթարկվել շանտաժի։ Արել եմ մեծ սխալ, որովհետև իրականում ընտանեկան երջանկության համար ֆինանսավորել եմ հոգեբանական տեռորիստի։ Այդ սխեմայի միջոցով տարիներով համաֆինանսավորել եմ «Հայկական ժամանակ» օրաթերթը, փոխարենը Նիկոլ Փաշինյանը չի կպել իմ երեխային, իմ կնոջը»։

Մ. Մինասյանը նաև ասաց, որ 2019 թ. մայիսի 27-ին խուզարկել էին և իր գրասենյակի ընդունարանից վերցրել իր հին համակագիչը. «Մեկ տարի համակարգիչը չգիտենք ուր է եղել։ Կան ինձ պատկանող տարբեր նյութեր այդ համակարգչում, բայց չկա որևէ բան, որը օրենքի հետ խնդիր ունենա։ Նույնիսկ չենք բողոքարկել դա։ Իմ հասարակական, քաղաքական, մեր զրույցների ամենապիկին պարզվում է, որ այդ համակագիչը բացվել է ու այնտեղ կան ինչ որ նյութեր։ Հավատում եք չէ՞, եթե Նիկոլ Փաշինյանն իմ դեմ ունենար մի բան, ինքը գոնե մեկ փաստ պետք է տար»։
Նա նշեց, որ «Հայկական ժամանակում» են  գրվել ու ու ստեղծվել ֆայլերը, որը լցրել են կոմպյուտերի մեջ ու ասում են 9000 հատ է։

Իր խոսքում Մ. Մինասյանն ասաց. «Բոլոր քննչական մարմինների, ԱԱԾ, դատախազության աշխատակիցներին, բոլոր նրանց, ովքեր խախտելով օրենքները, լսելով խենթին գործեր են կարում, գնում են մարդկանց ընտանիք, խուզարկում են, կանանց բրդբրդում են, բոլոր մարդկանց ականջներից իջեցնելու եմ, ծնկաչոք ներողություն եք խնդրելու երեխաներից ու կանանցից։
Ես չունեմ երկիր, ժողովուրդ, որը պետք է թողնեմ անտեր, խենթ շանտաժիստի ձեռքում։ Իմ կյանքը կդնեմ, բայց Հայաստանը կազատեմ խենթ շանտաժիստից։ Ես վռնդելու եմ Նիկոլ Փաշինյանին ու իր ոհմակին Հայաստանի հասարակական-քաղաքական կյանքից։ Պատժվելու են բոլորը, որոնք սատարում են այդ հոգեկան հիվանդին։
Կոչ եմ անում հասարակական, քաղաքական ուժերին վերադառնալ իրականություն»։
Մանրամասները՝ տեսանյութում։