Ձեր վստահելի աղբյուրը

Չինաստանի իշխանությունները վերջին 24 ժամերի ընթացքում երկրում կորոնավիրուսային հիվանդության 27 նոր դեպք են հայտնաբերել, փոխանցում է «Գազետա.ռու»-ն՝ հղում տալով երկրի առողջապահության նախարարությանը։

Նշվում է, որ 22 նոր դեպք է հայտնաբերվել Պեկինում  և մեկ դեպքու՝ Հուբեյ նահանգում։ Արտասահմանից երկիր է ժամանել 4 վարակված քաղաքացի։

Ընդհանուր առմամբ, համաճարակի սկզբից Չինաստանում բժիշկները հայտնաբերել են կորոնավիրուսային վարակի 83, 352 դեպք, մահացել է 4634 հիվանդ, վերականգնվել է 78, 410 մարդ:

Նշենք, որ կորոնավիրուսի համավարակն առաջին անգամ գրանցվել էր հենց Չինաստանում։ Երկրի իշխանությունները 2019 թվականի դեկտեմբերի 31-ին հայտարարել էին նոր տեսակի թոքաբորբի բռնկման մասին։ Հիվանդության պատճառական գործակալը կորոնավիրուսների նոր տեսակ է՝ SARS-CoV-2, որն առաջացնում է COVID-19 հիվանդությունը։