Արթուր Վանեցյան. Մենք ունենք անցնցում իշխանափոխության ճանապարհային քարտեզ
Հունիսի 20-ին «Հայրենիք» կուսակցության կենտրոնական գրասենյակում կուսակցության նախագահ Արթուր Վանեցյանը հանդիպումներ է ունեցել կուսակցության նորագիր անդամների և համակիրների հետ, որոնց ընթացքում տրվել են համաճարակի սպառնալի տարածման պատճառների, երկրում ստեղծված սոցիալ-տնտեսական, բարոյահոգեբանական իրավիճակի գնահատականները, ներկայացվել է պետական կառավարման խորացող համակարգային ճգնաժամի հաղթահարման ուղիները, քննարկվել են կուսակցության գաղափարական-քաղաքական սկզբունքներն ու արժեքները հասարակության բոլոր շերտերին հասցնելու նպատակով իրականացվող քարոզչական աշխատանքներին մասնակցության գործնական հարցեր: Այս մասին հայտնում են կուսակցության մամուլի ծառայությունից։
Անհատական և խմբային ձևաչափերով անցկացված բազմաթիվ հանդիպումները, որոնց մասնակցել են Երևանից և տարբեր մարզերից, անցել են աշխույժ, անկաշկանդ մթնոլորտում` հնարավորություն ընձեռելով մասնակիցներից յուրաքանչյուրին հայտնելու իր կարծիքն ու առաջարկները ներկա վարչախմբի ձախորդ կառավարման աղետալի հետևանքները չեզոքացնելու, Հանրապետությունը կայուն զարգացման հուն տեղափոխելու վերաբերյալ:
Կուսակցության նախագահն ընդգծել է. «Մենք ունենք իշխանափոխության ճանապարհային քարտեզ, սակայն իշխանության գալն ինքնանպատակ չէ, առանցքայինը պետության և հասարակության շահի ապահովումն է։ Սպառված և ժողովրդի սթափ դատող մեծամասնության վստահությունը մսխած ներկայիս վարչախումբը պետք է հեռանա անցնցում ճանապարհով` գիտակցելով, որ անհեռանկար և վտանգավոր է հասարակության իրական սպասումները նենգափոխել իբրև թիրախ ընտրված առանձին անձանց քրեական հալածանքներով և աղմկոտ ու ցուցադրական դատավարություններով: Մեր ժողովրդի և Հանրապետության անվտանգության, կայունության, առաջադիմության հիմքերը մենք պետք է կառուցենք ուղենիշ ունենալով իրավունքի գերակայությունն ու ժողովրդավարությունը, այլ ոչ թե գրգռելով այլատյացությունը, թշնամացնելով մարդկանց, առճակատելով հին ու նոր սերունդները, ինչը դիվական մոլեռանդությամբ արդեն երկու տարի անում են գործադիր իշխանության ղեկավարը և նրա արբանյակները»։
Հանդիպումների ընթացքում հնչել են տեսակետներ գաղափարակից մյուս քաղաքական ուժերի հետ համաքայլ առաջ ընթանալու, հեղինակավոր մտավորականների, գիտնականների, լրագրողների, պետական ու քաղաքացիական գործիչների աջակցությամբ գործելու անհրաժեշտության մասին:
Ինչպես հայտնեցին «Հայրենիք» կուսակցության խորհրդից, ամեն օր հարյուրավոր մարդեկ են դիմում կուսակցության շարքերը համալրելու խնդրանքով:
Հարակից հրապարակումներ`
- Վանեցյան. Այս վիճակը հետևանքն է ճակատագրական սխալների, որը թույլ է տվել կառավարությունը և անձամբ՝ Փաշինյանը
- Արթուր Վանեցյան. Շատ շուտով ամեն ինչ իր տեղը կընկնի մեր երկրում
- Արթուր Վանեցյան. Եկել եմ դատարան՝ քաղաքական համերաշխություն հայտնելու Ծառուկյանին
- Արսեն Բաբայանը ԱԱԾ-ի համար հրապարակում է Վանեցյանի գտնվելու վայրը
- Ա. Վանեցյան. «Գրեթե բոլոր ոլորտներում շարունակվում են արձանագրվել խայտառակ ձախողումներ». «Առավոտ»
- Վանեցյանը՝ Փաշինյանին. Չփորձե՛ս քո անհաջողություններում մեղադրել ժողովրդին
- Վանեցյան. Արտակարգ դրության երկարաձգումը չունի այլ նպատակ, քան այս իշխանության հեռացման հետաձգումը
- Վանեցյանը վերահաստատել է իր պատրաստակամությունը հանդիպել ընդդիմադիր դաշտի ներկայացուցիչներին
Լրահոս
Տեսանյութեր
Բերվել են բոլոր հակափաստարկները. ԱՆ փոխնախարարը՝ արցախցիների ընտրելու իրավունքի մասին
